व्हॅलेंटाइन डे निमित्त गुलाब सातासमुद्रापार, मावळमधून 70 लाखांची निर्यात, काय मिळतोय दर? Video

गुलाब काढणीनंतर लगेच फुलांचे ग्रेडिंग केले जाते. कळीचा आकार, देठाची लांबी, रंग आणि ताजेपणा यानुसार गुलाबांचे वर्गीकरण होते. त्यानंतर फुलांना थंड पाण्यात प्री-कूलिंग करून तापमान कमी केले जाते, जेणेकरून ताजेपणा टिकून राहील. यानंतर गुलाबांना खास व्हेंटिलेशन असलेल्या कार्टन बॉक्समध्ये पॅक केले जाते. हे बॉक्स कोल्ड स्टोरेजमध्ये ठेवून विमानतळावर पाठवले जातात. एअर कार्गोच्या माध्यमातून 24 ते 48 तासांत गुलाब परदेशातील बाजारपेठेत पोहोचतात. संपूर्ण प्रक्रियेत तापमान 2 ते 5 अंश सेल्सिअस दरम्यान असते जे निर्यातीसाठी अत्यंत महत्त्वाचे असते.

योग्य काढणी, थंड साखळी (कोल्ड चेन) आणि योग्य पॅकिंग केल्यास गुलाबांची शेल्फ लाईफ साधारण 10 ते 15 दिवसांपर्यंत असते. काही उच्च दर्जाच्या गुलाबांची शेल्फ लाईफ 20 दिवसांपर्यंतही टिकू शकते. त्यामुळे परदेशातील बाजारात पोहोचल्यानंतरही हे गुलाब ताजे आणि आकर्षक दिसतात.