Krushi Market Today: शेतकऱ्यांसाठी चिंताजनक बातमी, कांद्याचे दर घसरले; सोयाबीन आणि मक्याला दर किती?

मक्याच्या दरात चढ-उतार: राज्याच्या कृषीमार्केट मध्ये आज एकूण 7 हजार 512 क्विंटल मक्याची एकूण आवक झाली. यापैकी जळगाव मार्केटमध्ये 2500 क्विंटल मक्याची सर्वाधिक आवक झाली. त्यास प्रतीनुसार कमीत कमी 1100 ते जास्तीत जास्त 1711 रुपये प्रतिक्विंटल प्रमाणे बाजार भाव मिळाला. तसेच पुणे मार्केटमध्ये आवक झालेल्या 1 क्विंटल मक्यास 2400 ते 2500 रुपये दरम्यान सर्वाधिक भाव मिळाला.

कांदा उच्चांकी आवक: राज्याच्या मार्केटमध्ये 1 लाख 54 हजार 446 क्विंटल कांद्याची एकूण आवक झाली. यापैकी 57 हजार 680 क्विंटल सर्वाधिक आवक अहिल्यानगर बाजारात झाली. त्यास प्रतीनुसार कमीत कमी 400 ते जास्तीत जास्त 1900 रुपयांपर्यंत बाजार भाव मिळाला. तसेच सोलापूर मार्केटमध्ये आवक झालेल्या 1432 क्विंटल पांढऱ्या कांद्यास प्रतीनुसार 200 ते 3100 रुपये दरम्यान बाजार भाव मिळाला.

सोयाबीन आवक: राज्याच्या मार्केटमध्ये 97 हजार 699 क्विंटल सोयाबीनची एकूण आवक झाली. यापैकी लातूर मार्केटमध्ये सर्वाधिक 24 हजार 037 क्विंटल आवक राहिली. त्यास प्रतीनुसार 3948 ते 4500 रुपये प्रतिक्विंटल बाजार भाव मिळाला. तसेच बुलढाणा मार्केटमध्ये 1500 क्विंटल सोयाबीनची आवक होऊन त्यास 3800 ते 4700 रुपये दरम्यान सर्वाधिक बाजारभाव मिळाला.