Pune Metro: पुणे मेट्रोचा शहराबाहेरही 'विराट' विस्तार! वाघोली आणि लोणी काळभोरपर्यंत जाळं; तुमच्या भागातून जाणार का?

पुणे : पुणे महानगरातील वाहतूक कोंडी फोडण्यासाठी आणि सार्वजनिक वाहतुकीचे जाळे अधिक मजबूत करण्यासाठी राज्य सरकारने शुक्रवारी अर्थसंकल्पात पुणे मेट्रोच्या दुसऱ्या टप्प्यातील महत्त्वाच्या विस्तार आराखड्याला मंजुरी दिली आहे. आता मेट्रो केवळ शहरापुरती मर्यादित न राहता हडपसर ते लोणी काळभोर, हडपसर बस डेपो ते सासवड रोड आणि रामवाडी ते वाघोली या उपमार्गिकांद्वारे शहराबाहेरही धावणार आहे.