सरकारचा मोठा निर्णय! आता पोटहिस्सा मोजणीसाठी फक्त २०० रुपये, ९० दिवसांत मोजणी होणार, अर्ज कुठे करायचा?

सोलापूर : जमिनीच्या वाढत्या किमती आणि वारसाहक्कातून निर्माण होणाऱ्या वादांच्या पार्श्वभूमीवर राज्य सरकारने शेतकऱ्यांसाठी दिलासादायक पाऊल उचलले आहे. सातबारा उताऱ्यावर एकाच कुटुंबातील नाव नोंद असलेल्या व्यक्तींना आता आपापल्या पोटहिश्शाची मोजणी अवघ्या २०० रुपयांत करून मिळणार आहे. या निर्णयामुळे रक्तनात्यातील जमीनविवाद, अतिक्रमण आणि हद्दीवरून होणारे तंटे कमी होतील, असा विश्वास व्यक्त केला जात आहे. ऑनलाइन अर्ज केल्यानंतर नियमित निकषांनुसार ९० दिवसांत मोजणी करून हद्दी निश्चित करून दिल्या जाणार आहेत.