आता आली लाल ज्वारी, नवीन वाणाची निर्मिती, अशी करा लागवड Video

सोलापूर : सोलापूर जिल्ह्यातील मोहोळ तालुक्यात असणाऱ्या महात्मा फुले कृषि विद्यापीठ, राहुरी अंतर्गत कृषि संशोधन केंद्र येथे ज्वारीमध्ये नवीन वाण विकसित करण्यात आले आहे. फुले रोहिणी असे या ज्वारीच्या वाणाचे नाव आहे. फुले रोहिणी हा ज्वारीचा दिसायला लाल रंग आहे. या फुले रोहिणी ज्वारीच्या वाण संदर्भात अधिक माहिती डॉ. व्ही. आर. पाटील असिस्टंट प्रोफेसर महात्मा फुले कृषी विद्यापीठ यांनी लोकल 18 शी बोलताना दिली.

महात्मा फुले कृषि विद्यापीठ, राहुरी अंतर्गत कृषि संशोधन केंद्र मोहोळ येथील संशोधन केंद्रात कोरडवाहू रब्बी ज्वारीसाठी काम केले जाते. या संशोधन केंद्रात फुले रोहिणी या ज्वारीच्या वाणाची निर्मिती करण्यात आली आहे. या ज्वारीचा दिसायला लाल रंग आहे. फुले रोहिणी ज्वारीच्या पिठापासून उत्कृष्ट दर्जेचे पापड तयार होतात. हा पापड उद्योगासाठी उत्कृष्ट वाण आहे.