जिल्हाधिकाऱ्यांची मोठी कारवाई! या प्रकारातील जमिनी होणार शासनजमा, आदेश काय आहेत?

पुणे : पिंपरी-चिंचवडसह संपूर्ण पुणे जिल्ह्यातील वर्ग-२ जमिनींच्या वापराबाबत जिल्हा प्रशासनाने हाती घेतलेल्या तपासणीत मोठ्या प्रमाणावर नियमभंग उघडकीस आला आहे. देवस्थान, वतन, आदिवासी, पुनर्वसन तसेच शासनाकडून कब्जेहक्काने किंवा भाडेतत्त्वावर देण्यात आलेल्या एकूण २,१०० जमिनींपैकी ३५३ प्रकरणांमध्ये अटी व शर्तींचा भंग झाल्याचे प्राथमिक तपासात स्पष्ट झाले आहे. या प्रकरणांवर आता अंतिम टप्प्यात कारवाई सुरू असून, नियमबाह्य वापर झालेल्या काही जमिनी थेट शासनाच्या ताब्यात घेण्यात आल्या आहेत.