Krushi Market Rate: शेवगा, डाळिंब तेजीत, शेतकरी मालामाल; बाजारात भाव किती?

मुंबई मार्केटला सर्वाधिक भाव: राज्याच्या मार्केटमध्ये आज एकूण 1423 क्विंटल गुळाची आवक झाली. यापैकी मुंबई बाजारात 586 क्विंटल सर्वाधिक आवक राहिली. त्यास प्रतीनुसार 5200 ते 5700 रुपये प्रतिक्विंटल प्रमाणे बाजारभाव मिळाला. तसेच पुणे, सोलापूर आणि जालना मार्केटमध्ये देखिल गुळाची आवक राहिली.

शेवग्याचे दर टिकून: गेल्या महिनाभरापासून बाजारात शेवग्याची आवक अतिशय कमी होत आहे. अशातच मागणी अधिक असल्याने शेवग्याचे दर टिकून आहेत. राज्याच्या मार्केटमध्ये आज 30 क्विंटल शेवग्याची एकूण आवक झाली. यापैकी 10 क्विंटल सर्वाधिक आवक पुणे बाजारात राहिली. त्यास प्रतीनुसार कमीत कमी 19000 ते 27500 रुपये प्रतिक्विंटल प्रमाणे बाजारभाव मिळाला. तसेच छत्रपती संभाजीनगर मार्केटमध्ये आवक झालेल्या 8 क्विंटल शेवग्यास सर्वाधिक 35000 रुपयांपर्यंत बाजारभाव मिळाला.

डाळिंब तेजीत: आज राज्याच्या मार्केटमध्ये 1412 क्विंटल डाळिंबाची एकूण आवक राहिली. यापैकी मुंबई मार्केटमध्ये 1038 क्विंटल डाळिंबाची सर्वाधिक आवक झाली. त्यास प्रतीनुसार 12000 ते 15000 हजार रुपये बाजारभाव मिळाला. तसेच सोलापूर मार्केटमध्ये आवक झालेल्या 21 क्विंटल डाळिंबास प्रतीनुसार 5000 ते 19000 रुपये दरम्यान सर्वाधिक बाजारभाव मिळाला.