भर पावसात सोयाबीन, गव्हाने शेतकऱ्यांना दिला दिलासा! दरात मोठी उसळी, सध्याचा भाव काय?

परतूर बाजारात गव्हाला योग्य भाव, सोयाबीनने आपली झेप कायम ठेवली आणि ज्वारीलाही स्थिर दर मिळाले. मालाची आवक मर्यादित असली तरी शेतकऱ्यांनी आणलेला माल योग्य भावात विकला गेला. या स्थिरतेमुळे शेतकऱ्यांच्या चेहऱ्यावर समाधान झळकत होते. शेतकऱ्यांचे म्हणणे आहे की, जर हीच स्थिती कायम राहिली आणि लवकरच नवीन सोयाबीन बाजारात दाखल झाल्यानंतरही दर स्थिर राहिले, तर त्यांना मोठा फायदा होऊ शकतो.

गहू : किमान दर २,१८९, रु कमाल दर २,२५० रु सरासरी दर २,२६३ रु मिळाला.

व्यापाऱ्यांचे म्हणणे आहे की, “शेतकरी आणि व्यापाऱ्यांचा संबंध हा उन्हातल्या सावलीसारखा आहे. योग्य नियोजन झाले तर दोघांनाही फायदा होतो. श्रावण महिन्यात सण-उत्सवामुळे खरेदी-विक्रीला चांगली चालना मिळते. मात्र शासनाच्या निर्बंधांमुळे काही प्रमाणात व्यापार मर्यादित होतो.”

शेतकऱ्यांनी मात्र शासनाकडे अधिक ठोस उपाययोजनांची मागणी केली आहे. एका शेतकऱ्याने सांगितले, “आमच्याकडे गहू, ज्वारी, सोयाबीन, तूर, कापूस असतो तेव्हा भाव पडतात. पण माल विकून संपला की दर वाढतात. यात व्यापारी फायदा करून घेतात आणि शेतकरी मात्र वर्षभर तोट्यात राहतो. त्यामुळे सरकारने शेतकऱ्यांच्या हितासाठी स्थिर दर निश्चित करणे गरजेचे आहे.”