Grahan 2026: नवीन वर्षातील पहिलं ग्रहण या तारखेला; 2026 मधील सूर्यग्रहण-चंद्र ग्रहणांच्या तारखा

मुंबई : काही तासातच आता नवीन वर्ष 2026 सुरू होणार आहे. नवीन वर्ष सुरू होताना त्यामध्ये किती ग्रहणे असतील याची उत्सुकता अनेकांना असते. नवीन वर्ष 2026 मध्ये एकूण 4 ग्रहणे लागणार आहेत. यामध्ये दोन सूर्य ग्रहणे आणि दोन चंद्र ग्रहणांचा समावेश आहे. ग्रहणाबद्दल लोकांमध्ये नेहमीच उत्सुकता असते, मात्र धार्मिक दृष्टिकोनातून ग्रहण पाहणे अशुभ मानले जाते. ग्रहणाच्या वेळी राहू आणि केतू सूर्य तसेच चंद्राला कमकुवत करतात. यामुळे ग्रहण काळात कोणतेही शुभ कार्य केले जात नाही. वर्ष 2026 मध्ये ग्रहणे कधी लागणार आहेत, याची सविस्तर माहिती जाणून घेणार आहोत.