TRENDING:
हिरज गावातीलच शेतकरी सीताराम पाटील यांचे शिक्षण एम. कॉम पर्यंत झाले आहे. सोलापूर जिल्ह्यामध्ये सहजा सहज कोणीही हळदीची शेती करत नाही पण प्रथमच प्रयोग म्हणून सिताराम यांनी दहा गुंठ्यामध्ये कोल्हापूर येथून हळदी पिकाचे बियाणे आणून हळदीची लागवड केली. जवळपास जून 2025 मध्ये कोल्हापुरातून हळदीचे बियाणे आणून दहा गुंठ्यामध्ये लागवड केली होती.
advertisement
हळदीची लागवड केल्यावर कोणकोणते रोग पडतात, कोण कोणती फवारणी घ्यावी लागते याची सर्व माहिती सिताराम यांना मिळाली. तसेच आपल्या येथील हवामान आणि जमीन यावरही हळदी येते का नाही याचीही माहिती मिळावी म्हणून त्यांनी याची लागवड केली होती. जवळपास हळदीचा एक गठ्ठा 800ते 900 ग्रॅमपर्यंत वजन भरत आहे.
सध्या या हळदीची विक्री सांगली येथे करत आहे. तर सांगली येथे हळदीला भाव 3 हजार रुपयेपासून ते 10 हजार रुपये क्विंटल दर मिळत आहे. तर दहा गुंठ्यामध्ये लागवड केलेल्या हळदीच्या विक्रीतून सिताराम यांना लागवडीचा खर्च वजा करून 7 महिन्यांमध्ये एक लाख रुपयांचा नफा मिळाला आहे. ज्या शेतकऱ्यांची काळी जमीन किंवा बागायत जमीन असेल त्यांनी पारंपारिक पिकाकडे नव्हता हळदीच्या पिकाची लागवड केल्यास भरघोस असा उत्पन्न मिळेल, असा सल्ला उच्चशिक्षित शेतकरी सिताराम पाटील यांनी दिला आहे.