TRENDING:
कपाशीच्या दरात किंचित वाढ
राज्यातील विविध कृषी बाजार समित्यांमध्ये आज कपाशीची एकूण 7 हजार 29 क्विंटल इतकी आवक नोंदवण्यात आली. यामध्ये वर्धा बाजारात सर्वाधिक 1 हजार 850 क्विंटल कपाशीची आवक झाली. या बाजारात कपाशीला किमान 8 हजार 110 ते कमाल 8 हजार 300 रुपये प्रतिक्विंटल असा दर मिळाला. गुरुवारी नोंदवलेल्या बाजारभावांच्या तुलनेत आज कपाशीच्या दरात किंचित वाढ झाल्याचं स्पष्ट झालं आहे.
advertisement
Mumbai Water Cut News: मुंबई, ठाणेकरांनो लक्ष द्या; सलग 12 दिवस होणार 20 टक्के पाणी कपात, जाणून घ्या
कांद्याचे दर स्थिरच
आज राज्यातील कृषी बाजारांमध्ये कांद्याची एकूण आवक 2 लाख 59 हजार 50 क्विंटल इतकी झाली. नाशिक बाजारात सर्वाधिक 1 लाख 38 हजार 614 क्विंटल लाल कांद्याची आवक नोंदवण्यात आली. या बाजारात कांद्याला किमान 512 ते कमाल 1 हजार 549 रुपये प्रतिक्विंटल दर मिळाला. दरम्यान, अमरावती बाजारात कांद्याला 2 हजार 600 रुपये प्रतिक्विंटल असा उच्चांकी दर मिळाला असून गुरुवारी मिळालेला हा दर आजही कायम आहे.
सोयाबीनच्या दरात घट
राज्यातील कृषी बाजारांत आज सोयाबीनची एकूण 38 हजार 732 क्विंटल इतकी आवक झाली. अकोला बाजारात सर्वाधिक 6 हजार 749 क्विंटल सोयाबीनची आवक नोंदवण्यात आली. या बाजारात सोयाबीनला किमान 5 हजार 115 ते कमाल 5 हजार 380 रुपये प्रतिक्विंटल दर मिळाला. तर वाशिम बाजारात पिवळ्या सोयाबीनला 5 हजार 785 रुपये प्रतिक्विंटल असा उच्च दर मिळाला. मात्र, गुरुवारीच्या तुलनेत आज सोयाबीनच्या भावात घट झाल्याचं दिसून आलं आहे.
तुरीच्या दरात वाढ
आज राज्यातील कृषी बाजारांमध्ये तुरीची एकूण 28 हजार 971 क्विंटल इतकी आवक झाली. जालना बाजारात पांढऱ्या तुरीची सर्वाधिक 9 हजार 81 क्विंटल आवक झाली. त्या ठिकाणी तुरीला किमान 6 हजार 730 ते कमाल 7 हजार 450 रुपये प्रतिक्विंटल भाव मिळाला. तर सोलापूर बाजारात आलेल्या काळ्या तुरीला आज 9 हजार 700 रुपये प्रतिक्विंटल असा उच्चांकी दर मिळाला. गुरुवारीच्या तुलनेत आज तुरीच्या दरात वाढ नोंदवण्यात आली आहे.