शनि साडेसातीतून ३ राशींना दिलासा मिळणार! मार्चमध्ये शनिदेव तुमची प्रत्येक इच्छा पूर्ण करणार

ज्योतिषांच्या मते, मार्च 2026 मध्ये शनि ग्रहाचा अस्त होणार असून हा कालखंड अनेक राशींसाठी महत्त्वाचा ठरणार आहे. 13 मार्च ते 22 एप्रिल या कालावधीत शनि अस्तावस्थेत राहील. या काळात साडेसाती आणि ढैय्याच्या प्रभावाखाली असलेल्या लोकांना मोठा दिलासा मिळण्याची शक्यता आहे. शनीच्या अस्तामुळे अडथळे कमी होतील, रखडलेली कामे मार्गी लागतील आणि जीवनात नव्या आशेचा किरण दिसेल, असा अंदाज वर्तवला जात आहे.

advertisement

शनीच्या अस्ताचा एकूण प्रभाव

शनी अस्तावस्थेत असताना त्याचा कठोर प्रभाव काही प्रमाणात कमी होतो. त्यामुळे मानसिक ताण, कामातील अडथळे, आर्थिक अडचणी आणि नातेसंबंधांतील तणाव यामध्ये घट होण्याची शक्यता असते. अनेकांसाठी हा काळ आत्मपरीक्षणाचा आणि नव्या सुरुवातीचा ठरू शकतो. विशेषतः जे लोक दीर्घकाळ संघर्ष करत होते, त्यांना आता मेहनतीचे फळ मिळू लागेल.

धनु राशी

धनु राशीवर सध्या शनीची ढैय्या सुरू आहे. मात्र शनीच्या अस्तामुळे या राशीच्या लोकांसाठी परिस्थिती अनुकूल होऊ लागेल. दीर्घकाळ प्रलंबित असलेले प्रकल्प पूर्णत्वाकडे जातील. कामाच्या ठिकाणी वरिष्ठांचा पाठिंबा मिळेल आणि नवीन संधी उपलब्ध होतील. आर्थिक बाबतीत स्थैर्य येईल, तसेच घर, जमीन किंवा वाहन खरेदीसारखे निर्णय घेण्याची संधी निर्माण होऊ शकते. आरोग्याच्या दृष्टीनेही हा काळ सकारात्मक ठरेल.

कुंभ राशी

कुंभ राशीसाठी शनीचा अस्त अत्यंत लाभदायक मानला जात आहे. साडेसातीचा ताण हळूहळू कमी होईल आणि मनावरचा भार हलका वाटेल. आर्थिक परिस्थितीत सुधारणा होण्याचे संकेत आहेत. अडकलेले पैसे परत मिळू शकतात किंवा अचानक नफ्याची संधी मिळू शकते. नोकरी, व्यवसाय किंवा रिअल इस्टेटसारख्या क्षेत्रात यश मिळण्याची शक्यता असून, आत्मविश्वासात लक्षणीय वाढ होईल.

मीन राशी

मीन राशीवर साडेसातीचा दुसरा टप्पा सुरू असला तरी शनीच्या अस्तामुळे सकारात्मक बदल जाणवतील. करिअरमध्ये प्रगतीचे नवे मार्ग खुली होतील. कामातील अडथळे कमी होतील आणि निर्णयक्षमता वाढेल. वैवाहिक आणि कौटुंबिक जीवनात समंजसपणा वाढून नातेसंबंध अधिक दृढ होतील. भागीदारीतील प्रयत्न यशस्वी ठरू शकतात.

(सदर बातमी फक्त महितीकरिता असून न्यूज १८ मराठी कुठलाही दावा करू शकत नाही)