TRENDING:
कोणतेही शुभ कार्य योग्य वेळी सुरू केल्यास त्याचे फायदे अनेक पटींनी वाढतात. शास्त्रामध्ये तुळस लावण्यासाठी विशिष्ट दिवसही सांगितले आहेत. मंगळवार, गुरुवार आणि शुक्रवारी तुळस लावणे देवी लक्ष्मीच्या कृपेसाठी विशेष आहे. पौर्णिमा आणि शुक्ल पक्ष हे तुळस लावण्यासाठी सर्वोत्तम दिवस मानले जातात. या विशेष दिवशी तुळस लावल्याने कुटुंबाच्या प्रगतीचा आलेख चढता राहतो, घरात एक सुखद वातावरण निर्माण होते.
advertisement
या दिवशी तुळस लावू नका - वास्तुशास्त्रानुसार, चुकीच्या वेळी तुळस लावल्यास त्याचे विपरीत परिणाम होऊ शकतात. शनिवार आणि रविवारी घरात तुळस आणू नये. एकादशी आणि अष्टमीला तुळस लावण्याची चूक करू नये. असे केल्याने देवी लक्ष्मी क्रोधित होऊ शकते, ज्यामुळे घरात आर्थिक संकट किंवा गरिबी येऊ शकते.
मार्चचा चौथा आठवडा कोणासाठी लकी? मेष ते मीन 12 राशींचे साप्ताहिक राशीफळ
तुळशीचे रोप नेमके कुठे ठेवावे?
तुळशीची शक्ती तिच्या योग्य दिशेत असते. चुकीच्या ठिकाणी ठेवलेले रोप चांगले हवे तसे परिणाम देत नाही. वास्तूनुसार, ईशान्य कोपरा तुळशीसाठी सर्वात पवित्र स्थान आहे. ही दिशा देवांचे निवासस्थान मानली जाते. ईशान्य दिशेत जागा नसल्यास, तुम्ही उत्तर किंवा पूर्व दिशा वापरू शकता. दररोज संध्याकाळी तुळशीच्या रोपाजवळ तुपाचा दिवा लावा. यामुळे घरात उत्साही वातावरण नियमित राहते.
तुळशीचे महत्त्वाचे नियम - घराची आर्थिक स्थिती चांगली राहण्यासाठी तुळशीच्या काही नियमांचे पालन नक्की करावे. तुळशीच्या रोपाजवळ कधीही घाण किंवा कचरा ठेवू नका. तुळशीभोवतीची जागा नेहमी स्वच्छ ठिकाणी ठेवा. तुळशीचे रोप सुकले असेल, तर ते ताबडतोब काढून पवित्र नदी किंवा जलाशयात विसर्जित करा. दारात सुकलेली तुळस ठेवणं गरिबीचे प्रतीक मानले जाते. तुळशीचे रोप बाथरूम किंवा शौचालयाच्या भिंतीजवळ कधीही लावले जाणार नाही, याची काळजी घ्या.
साप्ताहिक अंकशास्त्र! मार्चच्या चौथ्या आठवड्यात 3 मूलांकाना लॉटरी, अलर्ट कोणाला
ज्योतिष आणि वास्तूशास्त्रानुसार, तुळस एक संरक्षक कवच म्हणून काम करते. तुळस विष्णूला अत्यंत प्रिय आहे. ती लावल्याने देवी लक्ष्मी तसेच श्री हरी विष्णूचा आशीर्वाद आपोआप मिळतो. तिच्या प्रभावाने घरातील निगेटिव्ह ऊर्जा कमी व्हायला मदत होते. योग्य पद्धतीनं तुळस लावणं कधीही उत्तम, म्हणजे त्याचे चांगले फायदे मिळतात.