Sankashti Chaturthi 2025: मार्गशीर्ष महिन्याची संकष्टी चतुर्थी नेमकी कधी? धार्मिक महत्त्व, पूजा-विधी, शुभ मुहूर्त पाहा

संकष्टी चतुर्थी 2025 मुहूर्त -

पंचांगानुसार, मार्गशीर्ष महिन्याच्या कृष्ण पक्षातील चतुर्थी तिथी 7 डिसेंबर 2025 रोजी वाजता सुरू होते आणि दुसऱ्या दिवशी, 8 डिसेंबर 2025 रोजी संपेल. उदयतिथीनुसार रविवारी 7 डिसेंबर रोजी संकष्टी चतुर्थीचा उपवास केला जाईल. या दिवशी पूजेचा शुभ मुहूर्त सकाळी 8:19 ते दुपारी 1:31 पर्यंत आहे. पूजेचा शुभ काळ संध्याकाळी 5:24 ते रात्री 10:31 पर्यंत आहे.

advertisement

चांद्र महिन्याच्या कृष्णपक्षात चंद्रोदयाच्यावेळी चतुर्थी असेल तर त्या दिवसाला संकष्टी चतुर्थी असे म्हणतात. संकष्टी चतुर्थीच्या दिवशी दिवशी जर मंगळवार असेल तर ती संकष्टी चतुर्थी अंगारकी संकष्टी चतुर्थी समजली जाते. संकष्टी चतुर्थीचा उपवास चंद्रोदय झाल्यावर चंद्राचे दर्शन घेऊन सोडला जातो. तर काही लोक संकष्टी चतुर्थीला संपूर्ण दिवस उपवास करतात. उपवास सोडतांना जास्त जेवण घेणे योग्य नसते. शेवटी पूजा, उपवास या गोष्टी ईश्वरासाठी करावयाच्या नसतात. आपले मन:स्वास्थ्य व शरीरस्वास्थ्य चांगले रहावे यासाठी करावयाचे असतात. आपण पूजा - उपवास केल्याने ईश्वरात बदल होत नसतो. आपल्यात चांगला बदल व्हावा यासाठीच या गोष्टी करावयाच्या असतात. मन सात्त्विक रहावे यासाठीच या गोष्टी करावयाच्या असतात.

वर्षातील शेवटच्या पौर्णिमेपासून या राशींचा चांगला काळ सुरू; धनलक्ष्मीचा आशीर्वाद

माणसाने इतरांशी माणुसकीने वागावे हे महत्त्वाचे असते. गरीब गरजू लोकांना मदत व्हावी यासाठी उपवास सोडताना दान करावयासही सांगण्यात आले आहे. मात्र पूजा-उपवास करतांना आपल्यामुळे इतरांना त्रास होणार नाही याचीही काळजी घ्यावयाची असते. तसेच उपवास केल्यामुळे जर शरीराला त्रास होणार असेल तर उपवास केला नाही तरी चालतो. त्यामुळे पाप लागत नाही. उपवास असताना विस्मरणामुळे किंवा चुकून खाल्ले तरी पाप लागत नाही. परमेश्वर हा क्षमाशील आहे.

महर्षी व्यास आणि संत तुकारामांनी पाप-पुण्याची साधी सोपी आणि सरळ व्याख्या सांगितली आहे. इतरांना त्रास देणे म्हणजे पाप आणि इतरांना मदत करणे म्हणजे पुण्य !