ना पेट्रोलची गरज ना डिझेलची! आता सूर्य प्रकाशाने धावेल कार, छतावर असेल सोलर पॅनल

चालू गाडीत चार्ज होते बॅटरी 

Nissan Ariya Solar Concept ची ही खास कार आहे. या कारमध्ये छत, बोनटआणि मागच्या भागावर जवळपास 41 वर्ग फूट एरियामध्ये सोलर पॅनल लावण्यात आले आहेत. हे पॅनल सूर्यप्रकाशाला वीजेमध्ये रुपांतरीत करते आणि बॅटरी लगेच चार्ज करते.

50 हजार असेल मासिक पगार तर तुमच्यासाठी कोणती कार बेस्ट? लगेच घ्या जाणून

advertisement

महत्त्वाचं म्हणजे हे सोलर पॅनल दिसतही नाहीत. म्हणजेच कारची डिझाइन एवढी भारी आहे की, या सोलर पॅनलमुळे तिच्या लूकवर काहीच परिणाम होत नाही. या टेक्नॉलॉजीला निसानने नीदरलँड्सची कंपनी IM Efficiency सह मिळून डेव्हलप केले आहे. सोलर सेल्सला कारच्या बॉडीमध्ये अगदी परफेक्ट फिट केलं आहे. जेणेकरुन एयरोडानॅमिक्स आणि डिझाइन दोन्हीही चांगलं दिसेल. याच कारणामुळे ही कॉन्सेप्ट कार दिसालया जवळपास प्रोडक्शन मॉडल Ariya सारखीच दिसते.

भविष्यातील ईव्ही टेक्नॉलॉजीची झलक 

निसानचा हा प्रयोग खास आहे कारण कंपनीला हिडन सौर पॅनेल बसवल्याने कारच्या लूक आणि परफॉर्मेंसवर कसा परिणाम होतो हे तपासायचे होते. भविष्यात या टेक्नॉलॉजीमुळे रेंजची चिंता कमी होऊ शकते, कारण कार पार्क केलेली असताना किंवा हालचाल करत असताना बॅटरी चार्ज होत राहील.

Yamahaच्या पहिल्या इलेक्ट्रिक स्कूटरची एंट्री! 169 km रेंजसह सर्वच फीचर्स जबरदस्त, किंमत किती?

Nissan Ariya: फीचर्स आणि रेंज

निसान आरिया ही कंपनीची सर्वात प्रीमियम आणि प्रगत इलेक्ट्रिक क्रॉसओवर एसयूव्ही आहे. ती 63 kWh ते 87 kWh प्रति तास बॅटरी क्षमतेसह येते, जी एका चार्जवर 600 किलोमीटरपर्यंतची रेंज देते. यात निसानची एक्सक्लुझिव्ह e-4ORCE ऑल-व्हील ड्राइव्ह टेक्नॉलॉजी, कूप-शैलीची डिझाइन, आलिशान इंटीरियर, दोन 12.3-इंच डिजिटल स्क्रीन, लेव्हल-2 एडीएएस आणि 360-डिग्री कॅमेरा यासारख्या अडव्हान्स फीचर्सचा समावेश आहे.

भारतात लॉन्च होऊ शकते का?

Nissan Ariya ची भारतामध्ये टेस्टिंग पहिलेच पाहिली आहे. भविष्यात ही भारतात लॉन्च झाली तर या कारची किंमत जवळपास 60 लाख ते 80 लाखांपर्यंत असु शकते. सोलर पॅनलसारखी टेक्नॉलॉजी प्रोडक्शन मॉडलपर्यंत पोहोचली तर ही भारतीय ईव्ही बाजारासाठी गेम-चेंजर ठरु शकते.