50 हजार असेल मासिक पगार तर तुमच्यासाठी कोणती कार बेस्ट? लगेच घ्या जाणून

Car Tips and Tricks: तुमचा मासिक पगार 50,000 रुपये आहे. तर तुम्हाला कार खरेदीमध्ये जास्त प्रॉब्लम येणार नाही. पण जर तुम्ही योग्य प्लॅनिंग केले तरच हे शक्य होईल. फायनेन्स एक्सपर्ट नेहमीच 20/4/10 चा नियम फॉलो करण्याचा सल्ला देतात. ज्यानुसार तुम्हाला एकूण उत्पन्नाचा एक मर्यादित भाग कारवर खर्च करायला हवा, जेणेकरुन तुमची बचत धोक्यात येणार नाही.

बजेट आणि फायनेन्स गणित: 50,000 रुपये पगारासह, तुम्ही 6 लाख ते 8 लाख रुपयांच्या दरम्यान ऑन-रोड किंमत असलेली कार निवडावी. आर्थिक शिस्त राखण्यासाठी, तुमचा मासिक ईएमआय तुमच्या इन-हँड पगाराच्या 20% पेक्षा जास्त नसावा (म्हणजे 10,000 रुपये). तुम्ही सुमारे 2 लाख रुपयांचे डाउन पेमेंट केले आणि 5 वर्षांसाठी कर्ज घेतले, तर तुम्ही या बजेटमध्ये सहजपणे कार घेऊ शकता.

सर्वात परवडणारा ऑप्शन : तुम्हाला तुमच्या खिशावर जास्त ओझं टाकायचं नसेल, तर मारुती अल्टो K10 किंवा रेनॉल्ट क्विड हे उत्तम पर्याय आहेत. त्यांच्या ऑन-रोड किमती कमी आहेत आणि EMI ₹6,000 ते ₹8,000 पर्यंत आहे. या कार केवळ बजेट-फ्रेंडली नाहीत तर त्यांची देखभाल आणि मायलेज तुमची मासिक बचत देखील सुनिश्चित करतात.

फॅमिलीसाठी बेस्ट : थोडं बेस्ट कंफर्ट आणि स्पेससाठी तुम्ही Maruti WagonR किंवा Tata Tiago कडे जाऊ शकता. वॅगन-आर आपली जागा आणि मायलेजसाठी प्रसिद्ध आहे. तर टियागो तुम्हाला बेस्ट सेफ्टी (4-स्टार रेटिंग) प्रदान करते. 50 हजारांच्या सॅलरीमध्ये या कारचं टॉप मॉडल किंवा मिड-व्हेरिएंट तुमच्या बजेटसाठी सर्वात 'व्हॅल्यू फॉर मनी' ठरु शकते.

प्रीमियम फील आणि फीचर्स : तुम्हाला स्टाईल आणि लेटेस्ट फीचर्स हवे असतील तर हुंडई ग्रँड आय10 निओस किंवा मारुती स्विफ्टचा विचार करा. त्यांच्या इंटीरियरमध्ये प्रीमियम फीचर्स मिळतात आणि ड्रायव्हिंगचा अनुभव उत्कृष्ट असतो. तथापि, टॉप-एंड मॉडेल्स तुमचे बजेट वाढवू शकतात, म्हणून तुमचा EMI 10-11 हजारांच्या आत ठेवण्यासाठी मॅग्ना किंवा व्हीएक्सआय सारख्या मिड-रेंज व्हेरिएंटची निवड करणे शहाणपणाचे ठरेल.

मायक्रो-एसयूव्हीचा नवा ट्रेंड : आजकाल Tata Punch आणि Hyundai Exter सारख्या मायक्रो-एसयूव्ही खुप लोकप्रिय आहेत. तुम्ही खडबडीत रस्त्यांवर चालवत असाल किंवा तुम्हाला एसयूव्ही लूक आवडत असेल तर या कार 7 ते 8 लाखांच्या बजेटमध्ये फिट बसतात. याचा ईएमआय थोडा जास्त असू शकतो. पण त्याची मजबुती आणि रोड प्रेजेंस याला 50 हजार सॅलरीच्या लोकांसाठी बेस्ट 'लाइफस्टाइल चॉइस' बनवते.