Renault Kiger फेसलिफ्ट भारतात टेस्ट दरम्यान दिसली आहे. ग्राहकांना आकर्षित करण्यासाठी या एसयूव्हीमध्ये महत्त्वाचे अपडेट्स दिले जाणार आहे. ही देशातील सर्वात परवडणाऱ्या एसयूव्हींपैकी एक ठरणार आहे. विशेष म्हणजे, Renault Kiger ला सेफ्टीमध्ये ४-स्टार सेफ्टी रेटिंग आहे. आता, रेनॉल्ट किगरला आवश्यक अपडेट देण्यास तयार आहे. तर आपण फेसलिफ्टकडून काय अपेक्षा करावी?
advertisement
Renault Kiger फेसलिफ्ट
किगर फेसलिफ्टच्या नवीन फोटोमधून एसयूव्हीच्या डिझाइनमध्ये काही मोठे बदल केल्याचं दिसून येत आहे., एसयूव्हीचा चेहरा सध्याच्या मॉडेलसारखाच आहे. पण एक नवीन फ्रंट ग्रिल आणि एक नवीन फ्रंट बंपर दिला आहे. याशिवाय, एसयूव्हीमध्ये फॉग लॅम्प देखील असल्याची शक्यता आहे, जे एक Renault Kiger ला वेगळा लूक देतील. हेडलॅम्प डिझाइन सध्याच्या मॉडेलसारखेच आहे. पण, नव्याा मॉडेलमध्ये थोडेफार बदल केलेले आहे. मागील प्रोफाइल देखील सारखेच दिसत आहे, पण, विक्रीसाठी ठेवलेल्याा मॉडेलमध्ये नवीन टेल लॅम्प आणि नवीन बंपर असं शकतं.
इंटीरिअरमध्ये मोठे बदल
Renault Kiger फेसलिफ्टच्या इंटीरिअरमध्ये काही डिझाइन बदल देखील केले जाणार आहे. सुरुवातीला, डॅशबोर्ड डिझाइन नवीन फिचर्ससह असणार आहे. तसंच, निसान मॅग्नाइट प्रमाणे, किगर फेसलिफ्टमध्ये नवीन सॉफ्ट टच मटेरियल मिळू शकतं. असं असले तरी, एसयूव्हीला फ्रेश लूक देण्यासाठी किगरमध्ये काही महत्त्वपूर्ण डिझाइन अपडेट्स मिळतील.
इंजिन आणि पॉवर
इंजिनच्या बाबत बोलायचं झालं तर, Renault Kiger मध्ये समान पॉवरट्रेन पर्याय असतील. एसयूव्हीमध्ये १.०-लिटर टर्बो पेट्रोल इंजिनमध्ये ९९bhp आणि १५२Nm पॉवर जनरेट आणि १.०-लिटर NA पेट्रोल इंजिन ७१bhp आणि ९६Nm पॉवर जनरेट करते. टर्बो पेट्रोल व्हेरिएंटमध्ये ५-स्पीड एमटी किंवा सीव्हीटी गिअरबॉक्स मिळतो. तर एस्पिरेटेड पेट्रोल इंजिनमध्ये ५-स्पीड एमटी किंवा एएमटी मिळते. Renault Kiger फेसलिफ्टची किंमत 6.15 लाखांपासून सुरू होण्याची शक्यता आहे.