शैक्षणिक पात्रता काय आहे?
मुंबई उच्च न्यायालयात लिपिक होण्यासाठी उमेदवारांनी मान्यताप्राप्त विद्यापीठातून पदवीधर असणे आवश्यक आहे. यामध्ये कायद्याची पदवी असलेल्यांना प्राधान्य दिले जाईल. शैक्षणिक पात्रतेव्यतिरिक्त, उमेदवारांकडे GCC-TBC प्रमाणपत्र किंवा ITI असणे आवश्यक आहे आणि इंग्रजी टायपिंगचा वेग प्रति मिनिट 40 शब्द असावा. उमेदवार भरतीच्या अधिकृत अधिसूचनेतून पात्रता संबंधित इतर तपशील तपशीलवार तपासू शकतात.
advertisement
आवश्यक वयोमर्यादा किती?
मुंबई उच्च न्यायालयाच्या या भरतीमध्ये सहभागी होण्यासाठी उमेदवारांचे किमान वय 18 वर्षे आणि कमाल वय 38 वर्षे असावे. तर एससी, एसटी, ओबीसी, एसबीसी उमेदवारांसाठी कमाल वय 43 वर्षे असावे. उच्च न्यायालय/सरकारी कर्मचाऱ्यांसाठी कमाल वयाची अट नाही.
पगार किती?
लिपिक पदासाठी निवडलेल्या उमेदवारांना दरमहा 29,200 ते 92,300 रुपयांपर्यंत पगार दिला जाईल.
निवड प्रक्रिया कशी होणार?
उमेदवारांची निवड स्क्रीनिंग, टायपिंग टेस्ट, मुलाखत इत्यादी टप्प्यांद्वारे केली जाईल. स्क्रीनिंग टेस्ट ९० गुणांची, टायपिंग टेस्ट 20 गुणांची आणि मुलाखत 40 गुणांची असेल.
अर्ज शुल्क किती?
उमेदवारांना अर्ज करताना 100 रुपये अर्ज शुल्क भरावे लागेल. शॉर्टलिस्ट केलेल्या उमेदवारांना 400 रुपये अर्ज शुल्क भरावे लागेल.
दरम्यान, मुंबई उच्च न्यायालयाच्या या भरतीशी संबंधित इतर कोणत्याही माहितीसाठी, उमेदवार उच्च न्यायालयाच्या अधिकृत वेबसाइटला भेट देऊ शकतात.