महाराष्ट्रातील असं मंदिर, जिथं 90 वर्षांपासून सुरू आहे अखंड दिवा, इतिहास तुम्हाला माहितीये का?

पुणे: पुणे शहराला अनेक ऐतिहासिक वास्तूंचा समृद्ध वारसा लाभला आहे. शहरात अनेक प्राचीन मंदिरेही पाहायला मिळतात. प्रत्येक वास्तू आणि मंदिर एखाद्या इतिहासाची साक्ष देत उभे आहे. पिंपरी-चिंचवडमधील मोशी परिसरात असलेले नागेश्वर महाराज मंदिरही अशाच ऐतिहासिक आणि धार्मिक वारशाची ओळख करून देणारे ठिकाण आहे. या मंदिराचा परिसर नागेश्वर महाराजांची तपभूमी आहे. येथे महाराज नामस्मरण करत असत. त्या ठिकाणी एका भक्ताने लावलेला दिवा तब्बल 90 वर्षांपासून अखंड प्रज्वलित आहे. या इतिहासाबाबत मोशी गावचे ग्रामस्थ संतोष बोराटे यांनी लोकल 18 ला माहिती दिली.