राहुल नवथर (वय-31, रा. गळनिंब, ता. गंगापूर) असे मृताचे नाव आहे. पोलीस तपासात समोर आलेल्या माहितीनुसार, राहुल नवथर सोमवारी दुपारी त्याचे मित्र कानिफनाथ मावस आणि योगेश कल्याण नागे (दोघेही रा. भिवधानोरा) यांच्यासोबत गट क्रमांक 306 मधील शेतात दारू पिण्यासाठी बसला होता. दारूच्या नशेत त्यांच्यात वाद झाला. हा वाद इतका विकोपाला गेला की, मावस आणि नागे यांनी राहुलवर गावठी कट्ट्यातून सलग तीन गोळ्या झाडल्या.
advertisement
एक गोळी राहुलच्या डाव्या बरगडीत, दुसरी खांद्यावर आणि तिसरी पोटात लागल्याने त्याचा जागीच मृत्यू झाला. मृतदेह तिथेच सोडून दोन्ही आरोपी फरार झाले. त्यानंतर मंगळवारी रात्री पोलीस, ठसे तज्ज्ञ आणि श्वानपथक घटनास्थळी दाखल झाले.
एक आरोपी पोलिसांच्या जाळ्यात
आरोपी योगेश नागे हा पुण्याकडे पळून जाण्याच्या प्रयत्नात असताना पोलिसांनी बुधवारी पहाटे 3 वाजण्याच्या सुमारास त्याला नेवासा फाटा येथे अटक केली. गुन्ह्यातील दुसरा आरोपी कानिफनाथ मावस अद्याप फरार असून, त्याने मोबाईल बंद ठेवल्यामुळे त्याला शोधण्यात अडचणी येत आहेत.
मृताचा भाऊ महेश नवथर यांनी दिलेल्या फिर्यादीनुसार, कानिफनाथ मावसने राहुलला गोळ्या घातल्या आणि योगेश नागेने त्याला मदत केली. या दोघांविरुद्ध खुनाचा गुन्हा दाखल करण्यात आला आहे. दारूच्या नशेत नेमक्या कोणत्या कारणावरून वाद झाला हे स्पष्ट झाले नसले, तरी वर्चस्वाच्या वादातून ही घटना घडल्याची चर्चा सुरू आहे.
हे ही वाचा : Chhatrapati Sambhajinagar: आधी ओळख, लग्नाचं आमिष आणि भयंकर घडलं, तरुणीने केला आत्महत्येचा प्रयत्न
हे ही वाचा : आधी गोळीबार मग कोयत्याने वार, 15 मिनिटांत घायवळ टोळीचे 2 कांड, मध्यरात्री पुणे हादरलं!