आधी गोळीबार मग कोयत्याने वार, 15 मिनिटांत घायवळ टोळीचे 2 कांड, मध्यरात्री पुणे हादरलं!

अभिजीत पोते, प्रतिनिधी पुणे: पुण्यातील कोथरुड परिसरात काल मध्यरात्री दोन रक्तरंजित घटना घडल्या आहेत. पुण्यातील कुख्यात गुंड घायवळ टोळीने अवघ्या १५ मिनिटांत दोन कांड केले आहे. हल्लेखोरांनी आधी एका व्यक्तीवर गोळीबार केला. यानंतर अवघ्या १५ मिनिटांत आणखी एका व्यक्तीवर कोयत्याने वार केले आहेत. या प्रकरणी कोथरुड पोलीस ठाण्यात दोन गुन्हे दाखल करण्यात आले आहेत. पोलिसांनी आतापर्यंत घायवळ टोळीतील पाच गुंडांना अटक केली आहे.