तुम्ही पुन्हा मामा...! भारती सिंहच्या घरी आणखी एक चिमुकला पाहुणा, तिसऱ्यांदा होणार आई?

कॉमेडियन भारती सिंह 2 मुलांची आई आहे. 3 एप्रिल 2022 मध्ये भारतीने गोलाला म्हणजे लक्ष्यला जन्म दिला. त्यानंतर 9 डिसेंबर 2025 रोजी भारतीचा दुसरा मुलगा काजू म्हणजे यशवीरचा जन्म झाला.

2 महिन्यांपूर्वी डिसेंबरमध्ये भारती दुसऱ्यांदा आई झाली, तिने दुसऱ्या बाळाला जन्म दिला. दरम्यान आता दुसऱ्या बाळाच्या जन्मानंतर दोन महिन्यांनी भारतीचा एक व्हिडीओ व्हायरल होतो आहे. ज्यात ती तिसऱ्या बाळाबाबत सांगताना दिसते आहे.

भारती सिंह पापाराझींशी बोलते आहे. पापाराझींना ती विचारते तुम्हाला पुन्हा एकदा मामा व्हायचं आहे का? यावर पापाराझी हो असं म्हणतात.

भारती पापाराझींना म्हणते, "काय हो, तेच काम आहे का? आता तुम्हीही मला आत्या बनवा". असं म्हणत ती पापाराझींना तुमचं लग्न झालं आहे का? असं विचारते. भारतीचा हा व्हिडीओ विरल भयानी इन्स्टाग्रामवर पोस्ट करण्यात आला आहे.

दरम्यान यूट्यूब चॅनेल ‘भारती टीव्ही’ वरील पॉडकास्टमध्ये हर्षने तिसऱ्या बाळाची प्लॅनिंग सुरू असल्याचं सांगितलं होतं.

हर्ष म्हणाला होता, "तीन हा माझा लकी नंबर आहे". त्यानंतर भारती म्हणाली,"हा म्हणतो आम्ही थांबणार नाही. आम्हाला मुलगी हवी आहे, म्हणून आम्ही ठरवलं की यावेळीही मुलगा झाला तर पुन्हा एकदा प्रयत्न करू. मग मी त्याला विचारलं, तिसरं बाळही मुलगाच झाला तर? तर तो म्हणाला, आपण पुन्हा प्रयत्न करू".

त्यामुळे भारतीचं आताचं वक्तव्य मजेमजेत आहे की खरंच ती मुलीसाठी तिसऱ्या बाळाचं प्लॅनिंग करते आहे, हे जाणून घेण्याची उत्सुकता तिच्या चाहत्यांना लागून राहिली आहे.