Monalisa : कुंभमेळ्यातील मोनालिसा फरहानच्या प्रेमात; आधी केरळ गाठलं, मग पोलिसांकडे मागितलं संरक्षण, नेमकं काय घडलं?

मध्य प्रदेशातील इंदूर येथील रहिवासी असलेली मोनालिसा भोसले हिचे महाराष्ट्रातील फरमान नावाच्या तरुणावर प्रेम जडलं. गेल्या दीड वर्षांपासून फेसबुकच्या माध्यमातून सुरू झालेल्या या मैत्रीचे रूपांतर प्रेमात झाले. मात्र, या आंतरधर्मीय लग्नाला (Inter-religious marriage) मोनालिसाच्या वडिलांचा, जयसिंग भोसले यांचा तीव्र विरोध होता. तिचे वडील तिचं लग्न दुसऱ्या कोणाशी तरी लावून देण्याचा प्रयत्न करत होते, असा दावा मोनालिसाने केला आहे.

मोनालिसा आणि फरमान यांनी आपल्या आयुष्याचा निर्णय घेत केरळ गाठलं. तिरुवनंतपुरम येथील तंपानूर (Thampanoor) पोलीस ठाण्यात या प्रेमी युगुलाने धाव घेतली. केरळ हे सुरक्षित राज्य असल्याचे वाटल्याने त्यांनी तेथे येण्याचा निर्णय घेतला. तंपानूर पोलिसांनी दिलेल्या माहितीनुसार, मोनालिसा आता 18 वर्षांची (प्रौढ) आहे, त्यामुळे तिला स्वतःचे निर्णय घेण्याचा कायदेशीर अधिकार आहे. पोलिसांनी तिचे वडील आणि घरच्यांना बोलावून समज दिली आहे आणि आता मोनालिसाने फरमानसोबत राहण्याचा तिचा निर्णय ठाम असल्याचे पोलिसांना सांगितलं आहे.