काय आहे रिपोर्टमध्ये?
तरुणीच्या शवविच्छेदन अहवालात बलात्कार झाला नसल्याचे निष्पन्न झाले आहे. प्रथम दर्शनी हा खून एकट्यानेच केला असावा असे दिसत आहे. 2019 मध्ये याच संशयित आरोपीवर ह्याच मुलीने पोस्को अंतर्गत गुन्हा दाखल होऊन तो जवळपास 6 महिने तुरुंगात होता. त्यानंतर तो बाहेर आल्यावर पुन्हा त्याने हिच्यासोबत जवळीक केली. तिला मारून टाकल्यावर तिच्या शरीरावर ज्या जखमा होत्या त्या काही प्राण्यांनी तिच्या शरीराचे लचके तोडले असल्याचे दिसून आले. आरोपी लवकरच ताब्यात असेल. चार टीम रवाना झाल्या आहेत.
advertisement
नवी मुंबईतील उरण पोलीस ठाण्याचे वरिष्ठ निरीक्षक राजेंद्र कोते यांनी सांगितले की, मृत यशश्री शिंदे वाणिज्य शाखेची पदवीधर असून, तिने एका खासगी कंपनीत डेटा एन्ट्री ऑपरेटर म्हणून काम करत होती. गुरुवारी सकाळी ती तिच्या मित्राच्या घरी जात असल्याचे पालकांना सांगून घरातून बाहेर पडली. रात्री उशिरापर्यंत ती घरी न परतल्याने तिच्या वडिलांनी हरवल्याची तक्रार दाखल केली.
भटक्या प्राण्यांनी तोडले लचके
शुक्रवारी रात्री उरण पोलीस ठाण्यातील तपास शाखेच्या पोलीस कर्मचाऱ्याला कोटनाका येथील रस्त्यावर एक मुलगी रक्ताच्या थारोळ्यात पडली असून भटके कुत्रे तिथे फिरत असल्याची माहिती दिली. प्राण्यांनी चावा घेतल्याने मुलीचा चेहरा विद्रूप झाल्याचे पोलीस पथकाला आढळून आले, तसेच तिच्या खांद्यावरचे मांसही खाल्ले होते. कमरेला आणि पाठीवर चाकूच्या तीन जखमा होत्या.
कशी पटली मृतदेहाची ओळख
पोलिसांनी सांगितले की, बेवारस मृतदेह मिळाल्यानंतर यशश्री शिंदेच्या पालकांना बोलवण्यात आले. त्यांनी तिच्या कपड्यांवरून आणि कमरेवरील टॅटूवरून तिची ओळख पटवली. त्याचवेळी पीडित मुलीच्या पालकांनी दाऊद शेख नावाच्या संशयिताचे नाव सांगितले.
वाचा - दाऊद यशश्रीसोबत एवढा क्रूर का वागला? कुटुंबानं सांगितली दुसरी बाजू !
वयाच्या 14व्या वर्षी यशश्रीला पहिल्यांदा टार्गेट केलं
व्यवसायाने ड्रायव्हर असलेल्या दाऊद शेखने 2018 मध्ये 14 वर्षीय यशश्री शिंदेला टार्गेट केलं. तिला गोडगोड बोलून आपल्या जाळ्यात ओढलं. 2019 मध्ये त्याने यशश्रीचे शारीरिक शोषण केले. कुटुंबीयांनी दाऊदविरुद्ध पॉक्सो अंतर्गत गुन्हा दाखल केला. पोलिसांनी दाऊदला तुरुंगात पाठवले. तुरुंगातून बाहेर आल्यानंतर दाऊदने पुन्हा यशश्रीशी संपर्क साधून तिचा पाठलाग सुरू केला.
अपहरण आणि खून!
दाऊदने गुरुवारी यशश्रीचे अपहरण केल्याचा आरोप कुटुंबीयांनी केला. तिची निर्घृण हत्या करण्यात आली. यावरही दाऊदचे समाधान झाले नाही, म्हणून त्याने यशश्रीचा प्रायव्हेट पार्ट दगडाने ठेचला. कुत्र्यांनी तिच्या शरीराचे लचके तोडावे म्हणून मृतदेह झुडपाजवळील कचराकुंडीत फेकून दिला. यशश्रीच्या डोक्यावरील केसही कापलेले आढळले. आरोपी हा कर्नाटकचा रहिवासी असल्याची माहिती पोलिसांनी दिली. त्याचा मोबाईल बंद असल्याने त्याचा पत्ता लागला नाही. आरोपींना पकडण्यासाठी पथके तयार करण्यात आली आहेत.