रस्त्यावर पैसे मागितले, पण शेवटी ठरवलं अन् ट्रान्सजेंडर मनस्वीनं करून दाखवलं, VIDEO

पुणे: तृतीयपंथी व्यक्ती म्हणजे फक्त रस्त्यावर पैसे मागणारी अशी समाजात तयार झालेली ओळख आता बदलू लागली आहे. ही प्रतिमा पुसण्यासाठी LGBTQ कम्युनिटीकडून गेल्या काही वर्षांपासून सातत्याने प्रयत्न केले जात आहेत. आज या समाजातील अनेकजण नोकरी करत असून काही जण स्वतःचे व्यवसाय देखील करत आहेत. पुण्यातील ट्रान्सजेंडर मनस्वी गोईलकर यांनी फॅशन डिझायनिंगचा व्यवसाय सुरू केला आहे. स्वतःची वेगळी ओळख निर्माण करण्यासाठी त्या प्रयत्न करत आहेत. मात्र त्यांचा हा प्रवास अत्यंत खडतर राहिला. घर सोडण्यापासून ते रस्त्यावर पैसे मागण्यापर्यंत अनेक कठीण प्रसंगांना सामोरं जात त्यांनी आज उद्योजिकेपर्यंतचा प्रवास पूर्ण केला आहे. या प्रवासाविषयी लोकल18 च्या माध्यमातून जाणून घेऊ.