या घटनेत आईचा मृत्यू झाला असून मृतक महिलेचं नाव मीरा मुरलीधर पुसदकर असं आहे. मुलाचे एका महिलेशी अनैतिक संबंध होते. यामुळे आई या संबंधाला विरोध करत होती. याच कारणावरुन दोघांच्यात वाद झाला. आरोपी मुलगा सोपान मुरलीधर पुसदकर याने आईशी भांडण करत तिच्या डोक्यात वरवंटा घातला. यात आईचा मृत्यू झाला आहे. मृतक महिलेचं नाव मीरा मुरलीधर पुसदकर असं आहे. मुलानेच जन्मदात्या आईचा जीव घेतल्याने परिसरात एकच खळबळ उडाली आहे.
advertisement
प्रियकरासाठी पतीला संपवलं -
दरम्यान, अहमदनगरमधूनही एक धक्कादायक घटना नुकतीच समोर आली आहे. यात प्रेमात अडथळा ठरणाऱ्या पतीला पत्नी आणि तिच्या प्रियकराने मिळून संपवलं. पतीला संपवण्यासाठी चक्क दीड लाख रुपयांची सुपारी देण्यात आली होती. हा धक्कादायक प्रकार समोर आल्यानंतर पोलीसही चक्रावले आहेत. या प्रकरणी गुन्हे शाखेच्या पथकाने आरोपी पत्नी, तिच्या प्रियकरासह पुण्यातून पाच आरोपींना बेड्या ठोकल्या आहेत.
श्रीगोंदा तालुक्यातील कोथूळ येथे योगेश सुभाष शेळके या तरुणाच्या खुनाचा छडा लावण्यात स्थानिक गुन्हे शाखेच्या पथकाला यश आले आहे. आरोपी पत्नी आणि तिच्या प्रियकराने योगेशच्या खुनाचा कट रचला. विशेष म्हणजे पत्नीनेच पोलिसांत याबाबत फिर्याद दिली होती. फिर्यादीच आरोपी निघाल्याने पोलिसांसह सर्वांनाच धक्का बसला आहे.