TRENDING:

2 मित्रांची पार्टी, बारमध्ये दारु प्यायले, बाहेर येताच टाकला मर्डर, कराडमध्ये मध्यरात्री खूनी थरार!

Last Updated:

सातारा जिल्ह्याच्या मलकापूर शहरात एक धक्कादायक घटना उघडकीस आली आहे. इथं एका तरुणाने आपल्या मित्रावर धारदार शस्त्राने वार करून हत्या केली आली.

impactshort
इम्पॅक्ट शॉटतुमचा गेटवे लेटेस्ट न्यूज
advertisement
विशाल पाटील, प्रतिनिधी कराड: सातारा जिल्ह्याच्या मलकापूर शहरात एक धक्कादायक घटना उघडकीस आली आहे. इथं एका तरुणाने आपल्या मित्रावर धारदार शस्त्राने वार करून हत्या केली आली. शनिवारी रात्री उशिरा कराड शहर पोलीस ठाण्याच्या हद्दीत हा प्रकार घडला. मागच्या आठवडाभरात दोन हत्येच्या घटना घडल्याने शहरात कायदा आणि सुव्यवस्थेचा प्रश्न निर्माण झाला आहे.
News18
News18
advertisement

सुदर्शन चोरगे असं हत्या झालेल्या 26 वर्षीय तरुणाचं नाव आहे. शनिवारी रात्री तो आपल्या एका मित्रासोबत पार्टी करण्यासाठी गेला होता. दोघांनी रिलॅक्स नावाच्या बारमध्ये मद्यपान केलं होतं. दारु प्यायल्यानंतर रात्री उशिरा दोघंही बारमधून बाहेर आले. बाहेर उभा राहून गप्पा मारत असताना दोघांमध्ये अचानक किरकोळ कारणातून वाद सुरू झाला.

दोघंही दारुच्या नशेत असल्याने हा वाद वाढत गेला. यावेळी आरोपीनं धारदार शस्त्राने सुदर्शनवर वार केले. या हल्ल्यात गंभीर जखमी होऊन सुदर्शन जागीच कोसळला. यावेळी घटनास्थळी असलेल्या काही नागरिकांनी तातडीने सुदर्शनला उपचारासाठी जवळच्या रुग्णालयात दाखल केलं. पण त्याचा उपचारादरम्यान मृत्यू झाला.

advertisement

टॉप व्हिडीओज

सर्व पहा
सकाळी उठल्यावर कोमट पाणी पिताय? शरीराला कसा होतो फायदा? संपूर्ण माहितीचा Video
सर्व पहा

या घटनेची माहिती मिळताच कराड शहर पोलीस ठाण्याचं पथक घटनास्थळी दाखल झालं. त्यांनी आरोपी तरुणाला ताब्यात घेतलं आहे. त्यांचा वाद नक्की कोणत्या कारणातून झाला? याचा शोध पोलीस घेत आहे. कराड शहर पोलीस ठाण्याच्या हद्दीत एकाच आठवड्यात अशाप्रकारे दोन हत्या झाल्याने परिसरात खळबळ उडाली आहे. घटनेचा पुढील तपास पोलीस करत आहेत.

advertisement

मराठी बातम्या/क्राइम/
2 मित्रांची पार्टी, बारमध्ये दारु प्यायले, बाहेर येताच टाकला मर्डर, कराडमध्ये मध्यरात्री खूनी थरार!
बातम्या
फोटो
व्हिडिओ
लोकल