सुरेश वाडकर यांच्या अकादमीमध्ये सूर जुळले
आमिर खानचा हा व्हिडिओ प्रसिद्ध गायक सुरेश वाडकर यांच्या संगीत अकादमीच्या कार्यक्रमातील आहे. या व्हिडिओमध्ये आमिर एका गायिकेसोबत राग गाताना दिसत आहेत. त्यांनी घातलेले साधे कपडे आणि त्यांच्या चेहऱ्यावरील भाव पाहून असं वाटतं की, ते पूर्णपणे संगीतात रमून गेले आहेत. हा व्हिडिओ सोशल मीडियावर व्हायरल झाल्यानंतर चाहत्यांनी कमेंट बॉक्समध्ये त्यांच्यावर कौतुकाचा वर्षाव केला आहे.
advertisement
लवकरच तीन खान येणार एकत्र?
दरम्यान, आमिर खानशी संबंधित आणखी एक व्हिडिओ सध्या इंटरनेटवर धुमाकूळ घालत आहे. यात एका सेटवर तीन व्हॅनिटी व्हॅन्स उभ्या आहेत, ज्यांच्यावर शाहरुख खान, सलमान खान आणि आमिर खान यांची नावं लिहिलेली आहेत. व्हिडिओ करणारी व्यक्ती म्हणते, "तिघे एकत्र… कोणता चित्रपट आहे भाई?" या व्हिडिओमुळे, चाहते गेली अनेक वर्षे वाट पाहत असलेली 'ती' इच्छा पूर्ण होणार का, अशी अटकळ बांधली जात आहे. तिन्ही खान पहिल्यांदाच एका चित्रपटात एकत्र दिसणार का, याबद्दल चर्चा सुरू आहेत.
आर्यन खानच्या वेब सिरीजमध्ये एंट्री?
सूत्रांनी दिलेल्या माहितीनुसार, शाहरुख खानचा मुलगा आर्यन खानच्या 'द बॅड्स ऑफ बॉलिवूड' या वेब सिरीजमध्ये तिन्ही खान एकत्र दिसू शकतात. असं म्हटलं जातंय की, शाहरुख स्वतःचीच भूमिका साकारणार आहे आणि चित्रपटाचं नॅरेटर देखील तोच असणार आहे. तर सलमान आणि आमिर पाहुण्या कलाकाराच्या भूमिकेत दिसणार आहेत. या अपडेटमुळे चाहत्यांमध्ये उत्साह आणखी वाढला आहे.