बॉलिवूड हादरलं! मुंबईत राहत्या घरात सापडला प्रसिद्ध फिल्ममेकरचा मृतदेह, पोलीस तपासात धक्कादायक माहिती

एम.एम. बेग यांची बॉलिवूडमधील उल्लेखनीय कारकीर्द होती. त्यांनी राकेश रोशन आणि जे. ओम प्रकाश सारख्या प्रमुख व्यक्तींसोबत काम केले. गोविंदाच्या 'आदमी खिलोना है' आणि 'जैसी करनी वैसी भरनी' सारख्या सुपरहिट चित्रपटांमध्ये त्यांनी महत्त्वाची भूमिका बजावली होती. अनिल कपूरच्या 'काला बाजार' आणि 'किशन कन्हैया' सारख्या चित्रपटांमध्येही त्यांनी आपली प्रतिभा दाखवली. दिग्दर्शक म्हणून त्यांनी शिल्पा शिरोडकरच्या 'छोटी बहू' या चित्रपटाचे दिग्दर्शन केलं. ज्याला लोकांनी चांगला प्रतिसाद दिला. ते केवळ एक अनुभवी चित्रपट निर्माते नव्हते तर पडद्यामागे काम करूनही चित्रपटाला सुपरहिट कसे बनवायचे हे जाणणारे होते.

advertisement

( चित्रपट नाहीत, नाटक नाही; अनेक महिने डिप्रेशनमध्ये होता मराठी अभिनेता, पोस्ट व्हायरल )

पीटीआयच्या वृत्तानुसार, चित्रपट निर्मात्याचे जनसंपर्क अधिकारी हनीफ झवेरी म्हणाले, "जेव्हा पोलिसांनी दार उघडले तेव्हा त्यांना बेगचा मृतदेह सापडला आणि त्यांनी त्यांच्या मुलीला कळवले. नंतर त्यांनी त्यांचा मृतदेह शवविच्छेदनासाठी कूपर रुग्णालयात नेला. रात्री 1.30 ते 2.00 च्या सुमारास त्यांचं पोस्टमार्टम झालं. तो एक महान माणूस होता. मी त्याच्या आत्म्याला शांती मिळावी अशी प्रार्थना करतो."

दिग्दर्शक एमएम बेग यांची सर्वात मोठी ओळख म्हणजे त्यांनी हृतिक रोशनला सुपरस्टार बनवण्यात त्यांचा खूप मोठा हात होता. हृतिकच्या पहिल्या चित्रपटाच्या 'कहो ना प्यार है'च्या खूप आधी, बेग साहिब यांनीच त्यांना संवाद, आवाजाचे मॉड्युलेशन आणि शब्दलेखन कसे करावे हे शिकवले. त्यांची मुलगी बेबी गुड्डू (शाहिंदा बेग) ही 80 च्या दशकातील सुंदर अभिनेत्री होती. श्रीदेवी आणि राजेश खन्ना सारख्या मोठ्या स्टार्ससोबत काम करून तिने लोकप्रियता मिळवली. बेग साहिब यांच्या निधनाने बॉलिवूडने एक असा गुरु गमावला आहे ज्याने अनेक स्टार्सचे भविष्य घडवले.