चित्रपट नाहीत, नाटक नाही; अनेक महिने डिप्रेशनमध्ये होता मराठी अभिनेता, पोस्ट व्हायरल

प्रियदर्शनने त्याच्या पोस्टमध्ये लिहिलंय, "गेल्या 6 ते 8 महिन्यांपासून मी प्रचंड तणाव, चिंता आणि थोड्याफार नैराश्यपूर्ण मनःस्थितीतून जात आहे. कामाबद्दल पूर्णपणे थकल्यासारखं वाटत होतं. नवीन चित्रपट नाहीत, नाटक नाही, टेलिव्हिजनवर काही नाही. नाटक लिहिता येत नव्हतं, चित्रपट लिहिता येत नव्हता. एकाग्रतेचा अभाव, कामांचे प्रोजेक्ट्स आणि रिलीज लांबणीवर पडले. लोकांपासून दूर पळावंसं वाटणं… वैयक्तिक आयुष्यात कधी खूप आनंदी, तर कधी अत्यंत असुरक्षित वाटणं. चटकन राग येणं, उद्देश नसलेले दिवस, अधूनमधून झोप न लागणं."

( कुटुंबाच्या आनंदासाठी 9 कोटींचं टेन्शन ठेवलं बाजूला! भाचीच्या लग्नात राजपाल यादवचा भाईजानच्या गाण्यावर डान्स, VIDEO )

"या सगळ्या गोंधळात अमेरिका दौरा माझ्यासाठी आशीर्वाद ठरला. हा फोटो लास वेगासमध्ये काढलेला आहे. कॅसिनोमध्ये मी पूर्ण रात्र जागाच होतो, नशीब आजमावत होतो आणि आश्चर्य म्हणजे मी 203 डॉलर्स जिंकलो. ते पैसे घेतले आणि आम्ही सगळे मिळून अ‍ॅरिझोनातील ग्रँड कॅनियनला गेलो. तिथे खूप छान वेळ घालवला."

प्रियदर्शननने पुढे लिहिलंय, "कधी कधी अशा वादळी काळात हास्य अशक्य वाटणारंही शक्य करून दाखवतं.

प्रेम तुम्हाला कोणत्याही संकटातून बाहेर काढू शकतं.वाईट नशीब आवाज करतं, पण शहाणपणाला कधी शांतपणे मागे हटायचं हे ठाऊक असतं, मला आशा आहे, सगळं काही ठीक होईल."

प्रियदर्शन जाधव काही महिन्यांआधी चला हवा येऊच्या नव्या सीझनमध्ये काम करत होता. या सीझनमध्ये लेखक, दिग्दर्शक म्हणून जबाबदारी पार पाडत होता. त्याने अभिनयाची जबाबादारी देखील पार पाडली होती. पण हा सीझन काही महिन्यातंच संपला. त्यानंतर प्रियदर्शन जाधव नव्या कोणत्या कलाकृतीत दिसला नाही.