अखेर सस्पेन्स संपला! ना सलमान खान, ना इमरान हाश्मी; 'बडे साहाब' च्या भूमिकेत दिसला 'हा' प्रसिद्ध अभिनेता, तुम्ही ओळखलं?

धुरंधरच्या पहिल्या भागात अक्षय खन्ना, संजय दत्त, रणवीर सिंग, सारा अर्जुन, आर माधवन यांबरोबरच संपूर्ण कास्टने प्रेक्षकांना खिळवून ठेवलं होतं. दुसऱ्या भागात कोणते कलाकार चित्रपटाची रंगत आणखी वाढवणार याबाबत प्रेक्षकांची उत्सुकता ताणली होती. पहिल्या भागात सातत्याने उल्लेख झालेले 'बडे साहाब' नक्की कोण आहेत, हा प्रश्न प्रेक्षकांना सतावत होता. बॉलिवूडमधील अनेक स्टार्सच्या नावाचा विचार या पात्रासाठी प्रेक्षक करत होते. अशातच आता 'धुरंधर २' रिलीज झाला असून हे पात्र साकारणाऱ्या अभिनेत्याच्या नावावरून पडदा उठला आहे.

advertisement

'पुरुष कोणत्या नजरेने...', हिंदू मुलीशी लग्न केलं, आता हिजाब घालण्याच्या सक्तीवर स्पष्टच बोलला अभिनेता

अखेर सस्पेन्स संपला, कोण आहेत 'बडे साहाब'?

'बडे साहाब' या भूमिकेसाठी सलमान खान, इमरान हाश्मी, अक्षय कुमार यांच्या नावांची चर्चा सुरू होती. मात्र एका वेगळ्याच अभिनेत्याच्या पदरी ही भूमिका पडल्याचं चित्रपटात पाहायला मिळतंय. 'धुरंधर'मध्ये अनेकदा 'बडे साहाब' हे नाव घेतलं गेलंय. यानुसार हा कोणीतरी महत्त्वाचा मास्टरमाइंड असल्याचं समोर आलं होतं. अखेर आता हा सस्पेन्स संपला असून त्या अभिनेत्याचं नाव समोर आलं आहे. सध्या सोशल मीडियावर एक व्हिडीओ व्हायरल झाला आहे, ज्यामध्ये 'बडे साहाब' हे पात्र दाखवण्यात आलं आहे. त्यानुसार 'बडे साहाब' हे पात्र अंडरवर्ल्ड डॉन दाऊद इब्राहिमवर आधारित असून या भूमिकेत अभिनेता दानिश इकबाल दिसून आला आहे. याआधी 'महारानी २' मध्ये दानिशने दिलशाद मिर्जा हे पात्र साकारले होते आणि नुकतंच तो नाना पाटेकरांच्या 'संकल्प'मध्येही दिसला होता.

दरम्यान, दानिशचा स्क्रीन टाइम अतिशय कमी असून त्याच्यावर प्रॉस्थेटिकचा मोठा वापर करण्यात आला आहे. चित्रपटात तो अतिशय वयस्कर दाखवण्यात आले असून तो आजारी असल्याचं दिसतंय. या सीनमध्ये तो भारताविरुद्ध प्लॅनिंग करत असून 'मेजर इक्बाल' म्हणजेच अभिनेता अर्जुन रामपाल त्याची आणि रणवीरची भेट घडवून देतो. 'बडे साहाब'चे हे पात्र किडनीच्या आजाराशी झुंज देत असून तो ऑक्सिजन सपोर्टवर असल्याचे दाखवले आहे. भिंतींवर दाऊदचे फोटो आणि त्याच्या तरुणपणीच्या दिवसांची एक झलकही आहे.