TRENDING:
मातृत्वाबद्दल आरती सिंहचा मोठा निर्णय
आरतीचा जन्म ५ एप्रिल रोजी झाला, पण ती अवघ्या दीड महिन्याची असताना ११ मे रोजी तिच्या आईचं निधन झालं. आईच्या निधनानंतर आरती आणि तिचा भाऊ कृष्णा अभिषेक यांची ताटातूट झाली. आरतीला तिच्या आईच्या जवळच्या नातेवाईकांनी दत्तक घेतलं आणि तिचं संगोपन केलं. आईवडील नसताना या कुटुंबाने जे प्रेम दिलं, त्यामुळेच आरती आज इथवर पोहोचली आहे. आता आरती ४१ वर्षांची असून वाढत्या वयामुळे होणाऱ्या समस्यांबाबत अनेक महिलांनी तिच्या मनात भीती घातली आहे. अशातच आरतीने याबाबत दिलेली प्रतिक्रिया अनेकांचं मन जिंकतेय.
advertisement
आरती म्हणते, "जर मला नैसर्गिकरित्या आई होता आलं नाही, तर मी नक्कीच मूल दत्तक घेईन. मला कोणाला काहीही सिद्ध करायचं नाहीये. ज्याप्रमाणे मला दुसऱ्या कुटुंबाने दत्तक घेऊन आयुष्य दिलं, तसंच मलाही एखाद्या निरागस जीवाला घर द्यायला आवडेल."
आरतीच्या निर्णयाला पतीचा खंबीर पाठिंबा
विशेष म्हणजे, आरतीच्या या निर्णयाला तिचा पती दीपकने पूर्ण पाठिंबा दिला आहे. लग्नाआधीच आरतीने त्याला आपल्या वयाबद्दल आणि मुलांबद्दल स्पष्ट कल्पना दिली होती. त्यावर दीपकने दिलेलं उत्तर काळजाला भिडणारं होतं. दीपक म्हणाला, "जगात अशी अनेक मुलं आहेत ज्यांना घराची गरज आहे. आपल्याला स्वतःचं मूल झालं तरी आपण एक मूल दत्तक घेऊया."