TRENDING:
झिम्मा सिनेमानं 15 कोटींची कमाई केली होती. कोरोना लॉकडाऊननंतर थिएटरमध्ये काही मोजक्या सिनेमांपैकी हा एक सिनेमा होता. ज्याला प्रेक्षकांची डोक्यावर घेतलं. झिम्मा 2 ने 14 कोटींची कमाई केली. आता झिम्मा 3 या दोन्ही सिनेमांचे रेकॉर्ड मोडणार का हे पाहणंही उत्सुकतेचं आहे.
advertisement
काही दिवसांपूर्वीच ‘क्रांतीज्योती विद्यालय - मराठी माध्यम’च्या जल्लोषमय सोहळ्यात या चित्रपटाची घोषणा झाली होती आणि आता पोस्टरमुळे उत्सुकता आणखीच वाढली आहे. पोस्टर पाहिल्यावर एक गोष्ट लगेच लक्षात येते, यावेळी काहीतरी वेगळं घडणार आहे! समुद्रकिनाऱ्यावर उभा असलेला सिद्धार्थ चांदेकर, त्याच्या चेहऱ्यावरचा गोंधळ, आजूबाजूला भरपूर बॅग्स, सुटकेसेस, क्रिकेट बॅट आणि सूर्यफूल… त्यामुळे ही सहल आहे की काहीतरी अनपेक्षित ट्विस्ट? आणि यावेळी ‘तिसराच आहे!’ या ओळीत नेमकं काय लपलंय? असे प्रश्न सध्या प्रेक्षकांना पडले आहेत.
पहिल्या दोन भागांमध्ये मैत्रिणींचा ग्रुप प्रेक्षकांच्या मनात घर करून गेला. आता तिसऱ्या भागात त्या पुन्हा एकत्र येणार का, की या वेळी काही नवे चेहरे, नवी नाती या ग्रुपमध्ये सामील होणार? हे पाहाणं उत्सुकतेचं ठरणार आहे.
चलचित्र मंडळी प्रस्तुत 'झिम्मा 3' चं दिग्दर्शन हेमंत ढोमेचं असणार आहे. तर निर्मिती क्षिती जोगची आहे. क्रांतिज्योती विद्यालय नंतर परत एकदा नव्या वर्षाची धमाकेदार सुरुवात करत चलचित्र मंडळी 'झिम्मा 3' हा सिनेमा 1 जानेवारी 2027 रोजी प्रेक्षकांच्या भेटीला येणार आहे.