राधाच्या आयुष्यातील रहस्य ट्रेलरमध्ये उलगडते
ट्रेलरमध्ये विवाहित राधा जेव्हा एका जुन्या वाड्यात पाऊल ठेवते त्याक्षणीच अघोरी आणि अनाकलनीय घटना सुरू होतात. तिच्या चेहऱ्यावरचे घाबरलेले भाव, वाड्यातील रहस्यमय गोष्टी आणि अनिता दातेचा मंत्रोच्चार करतानाचा अवतार अंगावर काटा आणणारा आहे. या ट्रेलरवरून स्पष्ट होते की, राधाचा या वाड्याशी काही भूतकाळातील संबंध आहे. तिच्या बालपणात झालेल्या 'जारण' या अघोरी प्रकाराचा परिणाम आजही तिच्या आयुष्यावर होत आहे का असा प्रश्न ट्रेलर उभा करतो.
advertisement
अनिस बाझमींचे मराठीत पदार्पण
प्रसिद्ध बॉलिवूड दिग्दर्शक अनिस बाझमी यांनी ‘जारण’ या चित्रपटाच्या माध्यमातून मराठीत पदार्पण केले आहे. ते म्हणाले, "या चित्रपटाचा भाग होणं हे माझं भाग्य आहे. अमृता सुभाषमुळे मी या प्रोजेक्टशी जोडलो गेलो. चित्रपट पाहिल्यावर मी सुन्न झालो. कथा, दिग्दर्शन, अभिनय सगळंच अप्रतिम आहे. हा चित्रपट खरंच पॅन इंडिया दर्जाचा आहे."
दिग्दर्शक हृषीकेश गुप्ते यांची प्रतिक्रिया
दिग्दर्शक हृषीकेश गुप्ते म्हणाले, "जारण हा फक्त भीतीदायक नसून, मानवी भावना आणि अंधश्रद्धेच्या परिणामांची खोल मांडणी करणारा चित्रपट आहे. ट्रेलरमध्ये भयानक दृश्यं असली तरी त्यामागे एक भावनिक कहाणी आहे. अनिता दाते आणि अमृता सुभाष यांनी जबरदस्त अभिनय केला आहे."
कधी रिलीज होणार जारण?
जारण चित्रपट 5 जून 2025रोजी प्रदर्शित होणार आहे. या चित्रपटात अमृता सुभाष, अनिता दाते, किशोर कदम, ज्योती माळशे, विक्रम गायकवाड, राजन भिसे, अवनी जोशी, सीमा देशमुख यांच्या प्रमुख भूमिका आहेत. ट्रेलरमधील केवळ 2.8 सेकंदांचा व्हिडीओ सोशल मीडियावर जोरदार व्हायरल झाला आहे. विशेषतः अनिता दातेचा मंत्रोच्चार करतानाचा भयानक लूक पाहून नेटकऱ्यांच्या अंगावर शहारे येत आहेत.