TRENDING:
प्रोमोमध्ये पाहायला मिळतंय, समर स्वानंदीला फोन करून सांगतो, "खूप मोठा प्रोब्लेम झाला आहे. तुम्ही बाबांना घ्या आणि मी पत्ता पाठवतो तिथे या." स्वानंदी तिच्या बाबांना घेऊन पत्त्यावर पोहोचते. पत्त्यावर पोहोचताच तिथे गायक महेश काळेची संगीत मैफिल सुरू असते. स्वानंदीचे बाबा तिला सांगतात, "मला महेश काळेंची गाणी खूप आवडतात. माझी इच्छा होती त्यांची भेट व्हायला हवी." तेवढ्यात मागून महेश काळे चालत येतात. पाहून स्वानंदी आणि तिचे बाबा आश्चर्यचकीत होतात.
advertisement
( शिवाने आदित्यला पळवलं! पारू मालिका बंद झाल्यानंतर नवी मालिका पाहून रंगली भलतीच चर्चा )
महेश काळे स्वानंदीला म्हणतात, "वहिनी तुम्ही खूप लकी आहात. समर सारखा नवरा तुम्हाला शोधून देखील सापडणार नाही." आता समरचा हा सुरेल नजराणा स्वानंदीचं मन जिंकणार का? हे पाहणं मालिकेच्या येत्या भागात पाहणं महत्त्वाचं ठरणार आहे.
दरम्यान मालिकेचा प्रोमो पाहून चाहत्यांनी कमेंट्स करत महेश काळेंच्या गाण्यांची फरमाईश केली आहे. एका चाहत्यानं लिहिलंय, "सुरेख आणि सुरेल अशी ही कल्पना… महेशजींचा कार्यक्रम सीरियलमधल्या वाढदिवसाला एक वेगळीच रंगत आणणार! ह्यात एक ‘कट्यार’मधील गाणं नक्की होऊ द्या." दुसऱ्यानं लिहिलंय, "क्या बात हैं, महेश जींची गाणी होऊन जाऊद्या." आता मालिकेच्या येत्या भागात महेश काळेंच्या आवाजाची जादू पाहायला मिळणार आहेच पण प्रेक्षकांनी केलेली फरमाईश ऐकायला मिळणार का?
गायक महेश काळे आणि अभिनेता सुबोध भावे एकमेकांचे खूप चांगले मित्र आहेत. दोघांनी याआधी कट्यार काळजात घुसली या सिनेमात एकत्र काम केलं आहे. सिनेमासाठी सुबोधने महेश काळेकडून गाण्यासाठी अनेक टीप्स घेतल्या होत्या.