राजपाल यादवनंतर अभिनेता श्रेयस तळपदे अडचणीत, पोलिसांत गुन्हा दाखल, नेमकं झालं काय?

हे प्रकरण मैनपुरीतील भोगाव पोलिस स्टेशन परिसरातील मोहल्ला मिश्राणा येथील आहे. एका तक्रारदाराने न्यायालयात अर्ज दाखल केला होता की श्रेयस तळपदे आणि त्याच्या साथीदारांनी मुंबईतील एका कथित बँक शाखेद्वारे गावकरी आणि शहरवासीयांना मोठ्या प्रमाणात पैसे गुंतवण्याचे आमिष दाखवलं. त्यांना मोठ्या नफ्याचं आश्वासन दिलंय परंतु गुंतवणूकदारांना त्यांचे पैसे परत मिळाले नाहीत. तक्रारदाराच्या म्हणण्यानुसार, जेव्हा त्यांचे लाखो रुपये वारंवार विनंती करूनही मिळाले नाहीत तेव्हा हे प्रकरण न्यायालयात पोहोचलं.

advertisement

न्यायालयाच्या निर्देशानुसार, पोलिसांनी फसवणुकीचा गुन्हा दाखल केला असून पुढील तपास सुरू केलाय. इतका पैसा कुठून आला आणि कुठे गेला, कथित मुंबई बँकेच्या शाखेची सत्यता आणि आरोपींची चौकशी पोलीस करत आहेत.

( 'ती गप्प आहे म्हणून मी वाचलो', जिच्यासोबत जोडलं नाव, गोविंदाने गायचे तिचेच गुणगाण; सुनीता आहुजाच्या आरोपांवर म्हणाला... )

श्रेयस तळपदे यांनी अद्याप या नवीन प्रकरणात भाष्य केलेले नाही. पोलीस तपास सुरू आहे आणि आरोपींवर फसवणूक, गुन्हेगारी विश्वासघात इत्यादी कलमांखाली कारवाई केली जाऊ शकते.  श्रेयस तळपदेचं नाव गुंतवणूक घोटाळ्यात येण्याची ही पहिलीच घटना नाही. गेल्या वर्षीपासून लोणी अर्बन मल्टी-स्टेट क्रेडिट अँड थ्रिफ्ट कोऑपरेटिव्ह सोसायटीशी संबंधित अनेक प्रकरणांमध्ये त्यांचे नाव आलं आहे. तो या सोसायटी ब्रँड अॅम्बेसेडर होता.

बागपत 5 कोटी रुपयांचा घोटाळा प्रकरण

ऑक्टोबर 2025 मध्ये बागपत पोलिसांनी लोणी अर्बन मल्टी-स्टेट क्रेडिट अँड थ्रिफ्ट कोऑपरेटिव्ह सोसायटीशी संबंधित गुंतवणूक घोटाळ्याप्रकरणी श्रेयस तळपदे आणि आलोक नाथ यांच्यासह 22 जणांविरुद्ध एफआयआर दाखल केला. 500 हून अधिक गुंतवणूकदारांनी 5 कोटी रुपयांपेक्षा जास्त फसवणूक केल्याचा आरोप केला.

सीबीआय तपास

नोव्हेंबर 2025 मध्ये केंद्रीय अन्वेषण ब्युरो (सीबीआय) ने त्याच सोसायटीशी संबंधित सुमारे 100 कोटी रुपयांच्या घोटाळ्याप्रकरणी श्रेयस तळपदे आणि आलोक नाथ यांच्यासह 46 जणांविरुद्ध गुन्हा दाखल केला. सीबीआयने उत्तराखंडमध्ये दाखल केलेल्या 18 एफआयआर एकत्रित केल्या आणि घोटाळ्याची चौकशी सुरू केली.

या प्रकरणांमध्ये आरोप असे आहेत की, श्रेयस तळपदे आणि आलोक नाथ हे एका कंपनीचे ब्रँड अ‍ॅम्बेसेडर होते ज्यांनी गुंतवणूकदारांना पाच वर्षांत त्यांचे पैसे दुप्पट करण्याचे आश्वासन दिले होते. कंपनीने 27 नोव्हेंबर 202 रोजी त्यांचे व्यवहार सॉफ्टवेअर बंद केले आणि कंपनीचे अधिकारी दुबईला पळून गेल्याचे वृत्त देखील आले.