TRENDING:
आगीची माहिती मिळताच, मुख्यमंत्री प्रमोद सावंत घटनास्थळी पोहोचले. मुख्यमंत्री सावंत यांनी पत्रकारांना सांगितले की, २३ जणांपैकी तीन जण भाजल्याने आणि उर्वरित लोक गुदमरल्याने मृत्युमुखी पडले. प्राथमिक माहितीवरून असे दिसून येते की नाईटक्लबने अग्निसुरक्षा नियमांचे पालन केलं नव्हतं. सावंत म्हणाले की, क्लब व्यवस्थापन आणि सुरक्षा नियमांचे उल्लंघन करूनही क्लबला काम करण्यास परवानगी देणाऱ्या अधिकाऱ्यांवर कारवाई केली जाईल.
advertisement
भीषण आग कशी सुरू झाली
नाईटक्लबमध्ये रात्री १२:०० वाजता सिलेंडरचा स्फोट झाला. आगीमुळे क्लबमध्ये मोठी घबराट पसरली आणि लोक इकडे तिकडे पळू लागले. आग आटोक्यात आणेपर्यंत २३ जणांचा मृत्यू झाला. काही जण भाजल्याने मरण पावले, तर काही जण गुदमरल्याने मरण पावले. मध्यरात्रीनंतर रोमियो लेनजवळील बर्च येथे ही आग लागली. हे ठिकाण नाईट क्लब आणि पार्टीसाठी लोकप्रिय आहे.
मुख्यमंत्री सावंत काय म्हणाले?
मुख्यमंत्री सावंत म्हणाले, "पर्यटनाच्या हंगामातील ही एक दुःखद घटना आहे. आम्ही या घटनेची सविस्तर चौकशी करू आणि दोषींवर कठोर कारवाई करू." दरम्यान, गोवा पोलीस प्रमुख आलोक कुमार यांनी वृत्तसंस्थेला सांगितले की, आग सिलेंडरच्या स्फोटामुळे लागली आहे. दरम्यान, स्थानिक भाजप आमदार मायकल लोबो म्हणाले, "सर्व २३ मृतदेह घटनास्थळावरून बाहेर काढण्यात आले आहेत आणि बांबोलीम येथील सरकारी वैद्यकीय महाविद्यालयात पाठवण्यात आले आहेत."