TRENDING:
मुंबई प्रदेश महानगर विकार प्राधिकरणामार्फत या नव्या उड्डाणपूल कामासाठी प्रकल्प अहवाल करण्यासाठी निविदा मागवल्या गेल्या आहेत. येत्या 180 ते 184 दिवसांत आराखडा तसेच अहवाल सादर करण्याच्या सुचना देण्यात आलेल्या आहेत.
बदलापूर उड्डाणपूलाचा मार्ग कसा असणार?
बदलापूर शहराच्या पश्चिमेतील बॅरेज रस्त्यावरून सुरू होत असलेला हा नवीन उड्डाणपूल कल्याण-कर्जत रेल्वे मार्ग ओलांडून पूर्वेकडील औद्योगिक भागातील होप कंपनीजवळ बदलापूर-कर्जत रस्त्यावर उतरेल. त्यामुळे शहरात पूर्व ते पश्चिम प्रवास करणे अधिक सोपे होणार आहे.
advertisement
आता बदलापूर शहराच्या हद्दीतून जवाहरलाल नेहरुन्यास ते बडोदे द्रुतगती महामार्ग आणि बदलापूर ते नवी मुंबई असा महामार्ग जात आहे. त्यात शहरात पूर्व पश्चिम प्रवास करण्यासाठी नागरिकांना फक्त एकच उड्डाणपूल खुला आहे, त्यामुळे शहरातील कोणत्याही भागातून दुसऱ्या भागात जाण्यासाठी मध्यवर्ती भागातीलच उड्डाणपूल वापरावा लागतोय. त्यामुळे या उड्डाणपूलावर वाहतूककोंडी मोठ्या प्रमाणात होते.
पूर्व-पश्चिम जोडणारा उड्डाणपूल कुठे होणार?
पावसाळ्याच्या दिवसांत नागरिकांना या मार्गावर अत्यंत त्रासाला सामोरे जावे लागत असते, त्यामुळे शहरात नव्या उड्डाणपूलाची मागणी होती. याच पार्श्वभूमीवर बदलापूर शहराते प्रवेशद्वार असलेल्या बेलवलीतील शिवमंदिर तलाव ते कामेल शाळेपर्यंत या नव्या उड्डाणपुलाची उभारणी केली जात आहे.येत्या काही दिवसांत हा उड्डाणुल झाल्यास शहरातील नागरिकांना काहीसा दिलासा मिळेल.