फ्रिजशिवाय पाणी थंड ठेवण्याचे नैसर्गिक उपाय
मातीच्या माठाचा वापर : मातीच्या माठात पाणी पिण्याने केवळ शरीर थंड होत नाही, तर पाणी थंड करण्याचा हा एक नैसर्गिक मार्ग आहे. माती माठातील उष्णता शोषून घेते आणि पाणी थंड करते. मात्र, ते घरात अशा ठिकाणी ठेवा, जिथे हवा चांगली असेल, जेणेकरून पाणी थंड राहील.
advertisement
ओल्या कापडात गुंडाळा : माठ नसेल, तर पाण्याची बाटली ओल्या सुती कपड्यात गुंडाळून सावलीत ठेवा. आता ती अशा ठिकाणी ठेवा, जिथे वारा वाहत असेल. असं केल्याने पाणी हळूहळू थंड होऊ लागेल.
वाहत्या पाण्यात ठेवा : ही पद्धत गावांमध्ये खूप लोकप्रिय आहे. तुमच्याकडे विहीर, झरा किंवा वाहत्या पाण्याचा स्रोत असल्यास, तुम्ही पाण्याची माठ किंवा बाटली त्यात ठेवू शकता. वाहत्या पाण्यात ठेवल्याने तापमान झपाट्याने कमी होते, ज्यामुळे पाणी थंड राहते.
तांदूळ किंवा गव्हाच्या ढिगाऱ्यात ठेवा : जुन्या काळात, लोकं पाणी थंड ठेवण्यासाठी माठ किंवा बाटली तांदूळ किंवा गव्हाच्या ढिगाऱ्यात ठेवत असत. धान्यांचा थर उष्णता शोषून घेतो आणि पाणी जास्त काळ थंड राहते.
बांबूच्या टोपलीत ठेवा : पाण्याची बाटली किंवा माठ बांबूच्या टोपलीत ठेवा आणि हवेशीर ठिकाणी टांगा. हवेच्या संपर्कामुळे पाणी थंड राहते. या पद्धतींनी तुम्ही उन्हाळ्यात फ्रिजशिवाय थंड पाण्याचा आनंद घेऊ शकता. हे उपाय केवळ नैसर्गिक आणि स्वस्त नाहीत, तर आरोग्यासाठी देखील फायदेशीर आहेत.
हे ही वाचा : Romantic Fruit : या फळाला म्हणतात 'रोमँटिक फळ', लालबुंद आणि रसरशीत, सांगा पाहू कोणतं?
हे ही वाचा : लहान मुलांसाठी मोबाईल घातक! डोळ्यांवर होतो 'हा' गंभीर परिणाम, मुलांना मोबाईलपासून दूर कसे ठेवावे?