घरगुती चवीचं आणि स्वच्छ अन्न कमी दरात मिळावं, या उद्देशाने मालवणी कट्टा सुरू करण्यात आलं. आयेशाने आपल्या वडिलांना सांगितलं की, मराठी माणूस व्यवसायात कमी उतरतो, पण बदलाची सुरुवात आपल्यापासून व्हायला हवी. तिच्या या विचाराने प्रेरित होऊन दोघांनी मिळून हे रेस्टॉरंट उभारलं.
Mumbai Food : भट्टी शोरमा आणि मोमोज, फक्त 70 रुपयांपासून घ्या आस्वाद, मुंबईतील हे ठिकाण माहितीये का?
advertisement
येथील व्हेज थाळी केवळ परवडणारी नसून अत्यंत तृप्त करणारी आहे. फक्त 130 रुपयांत मध्ये दोन चपाती, भात, आमटी, दोन प्रकारच्या भाज्या, सोलकडी, पापड आणि एक गोड पदार्थ असा पूर्ण मेन्यू मिळतो. विशेष म्हणजे इथे प्रत्येक वारानुसार वेगवेगळ्या भाज्या आणि आमटी दिली जाते.
मालवणी कट्टातील मसालेही विशेष आहेत. हे सर्व मसाले घरगुती पद्धतीने तयार केले जातात आणि त्यात खास मालवणी स्पेशल मसाल्यांचा वापर केला जातो. त्यामुळे प्रत्येक पदार्थाला पारंपरिक आणि झणझणीत चव मिळते.
नॉनव्हेज प्रेमींसाठीही येथे भरपूर पर्याय उपलब्ध आहेत. बोंबील फ्राय, कोळंबी मसाला, क्रॅब करी, कोळंबी फ्राय यांसारख्या पदार्थांसह विविध प्रकारच्या ताज्या मास्यांचे पदार्थ इथे मिळतात. तसेच, चिकन आणि इतर नॉनव्हेज पदार्थांची सुरुवात 150 रुपयांपासून होते. नालासोपारा पूर्व स्टेशनपासून अगदी ब्रिजसमोरच मालवणी कट्टा हे रेस्टॉरंट आहे.