दूध आणि सुका मेवा आरोग्यासाठी किती फायदेशीर आहे हे आपण जाणून आहोत. दुधामध्ये प्रथिनं, कॅल्शियम आणि रिबोफ्लेविन, व्हिटॅमिन बी-2 असे अनेक गुणधर्म आढळतात आणि ते सुक्या मेव्यासह एकत्र खाल्ले तर शरीर तंदुरुस्त राहण्यासाठी मदत होते. काही जण पाण्यात तर काही जण दुधात भिजवून सुका मेवा खातात. आज पाहूया, त्यातल्या मनुका भिजवून खाण्याचे फायदे...
advertisement
Raw Milk Benefits : चेहऱ्यासाठी करा कच्च्या दुधाचा वापर, निस्तेज त्वचेसाठी प्रभावी नैसर्गिक उपाय
1. वजन वाढवण्यासाठी -
तुमची तब्येत अशक्त वाटत असेल आणि तुम्हाला शरीराला बळकटी द्यायची असेल तर हा एक चांगला उपाय आहे. दुधात भिजवलेल्या मनुका खाल्ल्यानंतर उरलेलं दूधही प्या. यासाठी रात्री झोपताना, दुधात मनुका घालून रात्रभर ठेवा आणि सकाळी खा.
2. पचनासाठी-
सकाळी रिकाम्या पोटी दुधात भिजवलेल्या मनुका खाल्ल्यानं पोटाशी संबंधित समस्या दूर होण्यास मदत होते. थंडीच्या काळात बद्धकोष्ठतेची समस्या मोठ्या प्रमाणात दिसून येते, अशावेळी हा उपाय निश्चितच फायदेशीर आहे.
Dandruff : कोंड्यापासून करा सुटका, हे उपाय करुन बघा, कोंड्याचं प्रमाण होईल कमी
3. हाडांसाठी-
दररोज सकाळी दुधात भिजवलेल्या मनुका खाल्ल्यानं हाडं मजबूत होण्यास मदत होते. मनुका आणि दूध हे दोन्ही कॅल्शियमचे चांगले स्रोत मानले जातात. कॅल्शियम हाडांसाठी खूप महत्वाचं आहे. हिवाळ्यात हाडे खूप कमकुवत होतात. त्यामुळे हा उपाय नक्की करुन पाहा.
4. प्रतिकारशक्ती वाढवण्यासाठी-
रोगप्रतिकारक शक्ती मजबूत करण्यासाठी, तुम्ही दुधात भिजवलेले मनुके खाऊ शकता. कारण यामध्ये असलेले गुणधर्म कमकुवत प्रतिकारशक्ती वाढवण्यास मदत करतात.