TRENDING:
इंग्रजीमध्ये आईस ॲपल या नावाने ताडगोळ्याला ओळखले जातो. अतिशय टणक असणाऱ्या पाम वृक्षाला येणारे हे फळ आहे. दक्षिण भारतातील अनेक राज्यांमध्ये मोठ्या प्रमाणावर ही फळे येतात. ताडगोळ्याच्या एका फळांमध्ये तीन पांढरे शुभ्र मऊशार असे गोळे निघतात. चवीला गोडसर आणि नारळाप्रमाणे हे गोळे असतात.
advertisement
Mango Juice : आंब्याचा रस करतानी दुधाचा वापर करताय? चांगलं की वाईट? Video
ताडगोळे खाण्याचे शरिराला अनेक फायदे आहेत. वाढत्या उष्णतेमध्ये उन्हाळ्याच्या काळामध्ये ताडगोळे खाण्याला विशेष प्राधान्य दिले जातं. पाण्याचे प्रमाण भरपूर असल्याने आणि शरिराला थंडावा देत असल्याने उष्माघातापासून बचाव होतो. ताडगोळ्यामध्ये मोठ्या प्रमाणावर अँटीऑक्सिडंट असल्याने रोगप्रतिकारक शक्ती वाढते. त्याचबरोबर व्हिटॅमिन सी आणि व्हिटॅमिन बी 12 असल्याने शरिराला असंख्य फायदे होतात. ताडगोळे खाल्ल्याने शरिराची पचनक्रिया सुधारते. त्याचबरोबर ऍसिडिटी, बद्धकोष्ठता सारख्या समस्या दूर होतात.
मधुमेह असलेल्या रुग्णांना देखील प्रमाणात ताडगोळे सेवन केल्यास फायदा होतो. त्वरित ऊर्जेचा स्रोत म्हणून उन्हाळ्यामध्ये ताडगोळ्याला सर्वाधिक मागणी असते. शहरामध्ये या ताडगोळ्यांची विक्री मोठ्या प्रमाणावर होत असून ताडगोळ्याच्या स्टॉल भोवती नागरिकांची मोठी गर्दी असल्याचे पाहायला मिळतंय. 100 रुपयाला दोन फळे अशा पद्धतीने या ताडगोळ्यांची विक्री होत असून एका फळांमध्ये साधारणपणे तीन ताडगोळे निघतात, असं विक्रेते मोहंमद अली यांनी सांगितले.