Mango Juice : आंब्याचा रस करताना दुधाचा वापर करताय? चांगलं की वाईट? Video

कुठले फळ जर तुम्हाला खायचं असेल तर ते फळ नुसतं खावं. त्यामध्ये दुधाचा वापर हा करू नये. आंबा हा थोडासा आंबट असतो आणि दुधात जर टाकला तर ते दूध नासतं. त्यामुळे आंब्याचा रस करताना त्यामध्ये दुधाचा वापर नाही केला तर ते चांगलंच आहे, असं आहार तज्ज्ञ जया गावंडे सांगतात.

जर तुम्हाला आंब्याच्या रसामध्ये दूध आवडत असेल तर तुम्ही थोड्या प्रमाणात दुधाचा वापर करू शकता. जर तुम्हाला आंब्याच्या रसामध्ये दूध टाकायचं असेल तर त्यासाठी तुम्ही एकदम गोड असा आंबा घ्यावा त्यामध्ये थोडाही आंबटपणा नसावा. एकदम गोड आंबा जर घेतला आणि त्यामध्ये जर तुम्ही थोड्या प्रमाणात दूध घातलं तर ते चालतं. त्याचा परिणाम हा जास्त होत नाही, असं आहार तज्ज्ञ जया गावंडे सांगतात.

तसंच ज्यांना मधुमेह आहे किंवा हृदयविकार आहे अशांनी तर आंब्याचा रस हा बिना दूध न घालता घ्यावा. नुसताच तुम्ही आंब्याचा रस हा घेऊ शकता किंवा नुसते आंबे तुम्ही खाऊ शकता. त्यामुळे जर तुम्हाला आंब्याचा रस खायचा असेल तर तो तुम्ही शक्यतो बिना दूध घालताच खावा. म्हणजेच की त्याचा कुठलाही परिणाम हा तुमच्या शरिरावर होणार नाही, असंही आहार तज्ज्ञ जया गावंडे यांनी सांगितलं.