पण, कधीकधी या साठवणुकीमुळे डाळी आणि तांदळात कीटक वाढतात. ही समस्या विशेषतः पावसाळ्यात जास्त आढळते. काही घरगुती उपायांनी ही समस्या दूर होऊ शकते.
हे उपाय वापरुन पाहा -
Sleep Tourism : स्लीप टुरिझम, नॅपकेशन म्हणजे काय ? वाचा सविस्तर माहिती
हिंग
डाळ-तांदळाच्या डब्यातील कीटक साफ करण्यासाठी हिंग वापरू शकता. यासाठी, दोन किंवा तीन चमचे हिंग कापडात बांधा आणि ते तांदूळ किंवा कीटक असलेल्या कोणत्याही धान्यात घाला. हिंगाचे पॅकेट पूर्णपणे धान्यात आहे याची खात्री करा, त्यानंतर बॉक्स झाकून न ठेवता उन्हात ठेवा. यामुळे किडे पळून जातील.
advertisement
कडुनिंब
धान्यातील कीटक काढून टाकण्यासाठी कडुनिंबाचा वापर देखील करू शकता. यासाठी, कडुनिंबाची पानं डहाळ्यांसह डब्यात ठेवा किंवा कडुनिंबाची पानं बारीक करून त्याची गोळी बनवा आणि ती तांदूळात ठेवा. या दोन्ही पद्धती तुमच्या धान्यातील कीटकांना दूर करतील.
Garlic : उपाशी पोटी लसूण खाण्याचे फायदे, लसणानं वाढेल रोगप्रतिकारक शक्ती, वजन होईल कमी
लसूण
तांदळातील कीटक काढून टाकण्यासाठी, सोललेला संपूर्ण लसूण डब्यात ठेवू शकता. लसूण घातल्यानंतर, तांदळाचा डबा तीन-चार तास उन्हात ठेवा. डब्याचं झाकण बंद नसल्याची खात्री करा, जेणेकरून कीटक सहजपणे बाहेर पडू शकतील.
लवंगा
लवंगांचा वापर करून धान्यातील कीटकांना हाकलून लावू शकता. यासाठी, धान्यात लवंग टाका आणि नंतर भांडं काही वेळ उन्हात ठेवा. यामुळे किडे निघून जातील.
हळद
मसूर किंवा तांदळातील कीटकांपासून मुक्त होण्यासाठी तुम्ही हळदीचा वापर देखील करू शकता. हळदीला तीव्र वास असतो, म्हणूनच धान्यातील कीटक पळून जाऊ लागतात.