थंडीच्या दिवसात आपली त्वचा आर्द्रता गमावू लागते आणि कोरडी होते. याचे मुख्य कारण केवळ वातावरण बदल नाही तर जीवनसत्त्वांचा अभाव हे देखील असू शकतं. विशेषतः व्हिटॅमिन ईच्या कमतरतेचा हिवाळ्यात त्वचेवर खोलवर परिणाम होतो. जर हिवाळ्याच्या आगमनासोबत तुमची त्वचा कोरडी होऊ लागली तर तुमच्या शरीरात या जीवनसत्वाची कमतरता असू शकते.
Skin Care Tips: हिवाळ्यात घ्या चेहऱ्याची काळजी, कोरड्या त्वचेसाठी वापरा घरातलं मॉईश्चरायजर
advertisement
व्हिटॅमिन ई एक अँटिऑक्सिडेंट आहे, जे आपली त्वचा हायड्रेटेड ठेवण्यासाठी, आणि बाहेरच्या नुकसानापासून
संरक्षण करण्यासाठी आणि त्वचेची आर्द्रता राखण्यात महत्त्वपूर्ण भूमिका बजावतं. हे त्वचेच्या पेशींचे पोषण करतं,
त्वचा मऊ ठेवण्यासाठीही उपयुक्त आहे.
व्हिटॅमिन ईच्या कमतरतेची लक्षणं -
- त्वचा जास्त कोरडी होणं
- विशेषत: ओठ आणि टाचांवरची त्वचा तडकणं
- त्वचेवर लालसरपणा आणि जळजळ
- त्वचेवर खाज येणं आणि खेचल्यासारखी वाटणं
- त्वचा निस्तेज दिसणं
व्हिटॅमिन ईच्या कमतरतेवर मात कशी करावी?
- बदाम, शेंगदाणे आणि अक्रोडचा आहारात समावेश करा.
- सूर्यफूल बिया, भोपळ्याच्या बिया खा.
पालक, ब्रोकोली सारख्या हिरव्या पालेभाज्या खा.
एवोकॅडो, ऑलिव्ह ऑईल आणि सोयाबीन तेलचा वापर करा.
पूरक आहार घ्या.
त्वचेची काळजी घेण्यासाठी व्हिटॅमिन ईचा उपयोग कसा करावा ?
- व्हिटॅमिन ई असलेली मॉइश्चरायझर्स आणि क्रीम वापरा. व्हिटॅमिन ई तेल थेट त्वचेवर लावल्यानं त्वचेला आराम मिळतो आणि त्वचेतला ओलावा टिकून राहतो.
- तब्येतीसाठी जीवनसत्त्वं आणि खनिजं देखील महत्वाची आहेत, व्हिटॅमिन ईच्या कमतरतेमुळे त्वचेला तडे जातात पण त्याचबरोबर व्हिटॅमिन सी, व्हिटॅमिन ए आणि झिंक यांसारखे इतर पोषक घटक देखील त्वचेच्या आरोग्यासाठी आवश्यक आहेत. त्यामुळे संतुलित आहार घेणं अत्यंत आवश्यक आहे.
- हिवाळ्यात त्वचेला तडे जाणे ही एक सामान्य समस्या असू शकते, परंतु ती हलक्यात घेऊ नका. खाण्याच्या योग्य सवयी आणि योग्य काळजी घेतली तर व्हिटॅमिन ईच्या कमतरतेवर मात करून तुमची त्वचा निरोगी आणि मुलायम होऊ शकते. ही समस्या गंभीर होत असेल तर नक्कीच एखाद्या तज्ज्ञाशी संपर्क साधा.
Face Care Tips: चेहऱ्यासाठी करा तुपाचा वापर, तुपात मिसळून लावा या गोष्टी, चेहरा दिसेल तजेलदार