Skin Care Tips: हिवाळ्यात घ्या चेहऱ्याची काळजी, कोरड्या त्वचेसाठी वापरा घरातलं मॉईश्चरायजर

Skin Care Tips: हिवाळा सुरु झालाय आणि आता त्वचा कोरडी व्हायला सुरुवात होईल. पण यासाठी कोणतंही क्रिम बाहेरुन आणण्यापेक्षा, घरातलं एक मॉईश्चरायजर नक्की वापरुन पाहा. हे मॉईश्चरायजर म्हणजे साय. हिवाळ्यात चेहऱ्यावर साय लावता येईल, यामुळे त्वचा मुलायम होईल. दुधावाटे साय खाल्ली जातेच पण ती त्वचेची काळजी घेण्यासाठीही महत्त्वाची आहे. स्वयंपाकघरातील मसालेच नाही तर दुधाची साय देखील त्वचेची काळजी घेण्यासाठी वापरली जाते. सायीच्या वापरामुळे त्वचेला आवश्यक ओलावा मिळतो, यामुळे चेहऱ्यावरील मृत त्वचेच्या पेशी निघून जातात, ज्यामुळे घाण कमी होते आणि त्वचा चमकदार होते.