'या' पानांचा कोलेस्टेरॉल कमी करण्यासाठी होतो फायदा.
पुदिन्याची पानं (Mint leaves)
पुदिन्याची पाने फक्त कोलेस्टेरॉलच नव्हे तर इतरही अनेक समस्यांवर गुणकारी आहेत. पुदिनाच्या पानांमुळे पचन सुधारायला मदत होते. याशिवाय युरिक एसिडचा त्रास कमी होतो. पुदिन्यांच्या पानामुळे कोलेस्टेरॉलचं रूपातंर उर्जेमध्ये रूपांतर केलं जातं.
मेथीची पानं (Fenugreek Leaves)
कोलेस्टेरॉल कमी करण्यासाठी मेथीची पानं उपयुक्त आहेत. यात फायबर्स आणि सॅपोनीन असतात, जे आतड्यांमधील पित्त आम्लांशी जोडून उच्च कोलेस्टेरॉल कमी करण्यास मदत करतात, त्यामुळे रक्तातल्या खराब कोलेस्टेरॉलचं (LDL) प्रमाण कमी होतं.
advertisement
कढीपत्ता (Curry Leaves)
दक्षिण भारतीय जेवणात कढीपत्ताचा भरपूर वापर होताना दिसतो. तुम्ही सुद्धा जेवणात कढीपत्ता खायची सवय लावली तर तुम्हाला फायदा होईस. कढीपत्त्यामध्ये अँटीऑक्सिडंट्स असतात जे आतड्यांमधील चरबी वेगाने शोषून घेतात, ज्यामुळे कोलेस्टेरॉल वेगाने वितळतं. कढीपत्ता युरिक अॅसिड देखील कमी करू शकतो.
कडुलिंबाची पानं (Neem Leaves)
नावाप्रमाणेच कडुलिंबाचे पान कडू असते पण रक्तशुद्धीसाठी हे पान अतिशय महत्त्वाचं आहे. कडुनिंबाच्या पानांचा कोलेस्टेरॉल कमी करण्यात फायदा होतो. कडुनिंबात नैसर्गिक अँटीऑक्सिडंट्स, फ्लॅवोनॉइड्स, आणि लिपिड-कमी करणारे घटक असतात, जे शरीरातील खराब कोलेस्टेरॉल (LDL) कमी करण्यात आणि चांगल्या कोलेस्टेरॉल (HDL) चा स्तर वाढवण्यात मदत करतात.
तुळशीची पानं (Holy Basil Leaves)
तुळशीची पाने केवळ पवित्रच नाहीत तर त्यात औषधी गुणधर्म देखील आहेत. तुळशीची पाने खाल्ल्याने कोलेस्टेरॉल कमी होते असे अभ्यासातून दिसून आले आहे. त्यात आढळणारे अँटीऑक्सिडंट्स ऑक्सिडेटिव्ह ताण कमी करतात, ज्यामुळे कोलेस्टेरॉलची पातळी कमी होते.
त्यामुळे तुम्हाला निरोगी आणि फिट राहायचं असेल तर या औषधी वनस्पतींच्या पानांच्या सेवनाने तुम्ही कोलेस्टेरॉल कमी करून फिट राहू शकता.