Kidney Damage : किडनी खराब होऊ लागल्यावर त्वचेवर दिसतात 5 लक्षण, दुर्लक्ष करू नका

त्वचेवर दिसणारी लक्षण :

त्वचा कोरडी होणे : जर तुमची त्वचा खूप जास्त कोरडी होत असेल तर याकडे दुर्लक्ष करू नये. अचानकपणे त्वचा जास्त कोरडी होऊ लागणे हे किडनी खराब होत असल्याचे लक्षण आहे. जेव्हा किडनी नीट काम करत नाही तेव्हा शरीरात फॉस्फोरस आणि मिनरल्सची मात्रा वाढू लागते. ज्यामुळे त्वचा जास्त कोरडी होऊ लागते.

advertisement

त्वचेवर लाल रंगाचे चट्टे उठणे : जेव्हा किडनी व्यवस्थित काम करत नाही तेव्हा त्वचेवर काहीवेळा लाल रंगाचे चट्टे दिसू लागतात. जर तुम्हाला अशी समस्या जाणवत असेल तर डॉक्टरांकडे जाऊन योग्य उपचार घ्या.

त्वचेला खाज येणे : ऍलर्जी किंवा इंफेक्शन इत्यादींमुळे देखील त्वचेला खाज येऊ शकते. परंतु जर उपाय करूनही त्वचेला खाज येण्याची समस्या दूर होत नसेल तर हे किडनी खराब झाल्याचे लक्षण असू शकते. तेव्हा जर खूप कालावधीपासून तुमच्या त्वचेला खाज येत असेल तर डॉक्टरांशी संपर्क साधावा.

Health Tips : जेवल्यानंतर छातीत जळजळतं? मग जेवणात मिसळा 'हा' एक पदार्थ, समस्या होईल दूर

त्वचेला सूज येणे : त्वचेला सूज येणे हे देखील किडनी खराब झाल्याचे लक्षण आहे. जेव्हा किडनी व्यवस्थित काम करत नसेल अशावेळी शरीरात टॉक्सिंस आणि सोडियम जमा होऊ लागते त्यामुळे शरीराला सूज येऊ लागते. अशावेळी जर तुमच्या पायांना, हातांना, डोळ्यांच्या आजूबाजूला सूज येत असेल तर त्वरित डॉक्टरांशी संपर्क साधावा.

त्वचेचा रंग बदलणे : त्वचेचा रंग अचानकपणे बदलणे हे देखील किडनी खराब होण्याचे लक्षण आहे. किडनी जेव्हा खराब होते तेव्हा त्वचेचा रंग हा पिवळा किंवा गडद होऊ लागतो. यामुळे नखांचा रंग देखील बदलतो.