TRENDING:
मुलांना आपण काही साधे प्रश्न अगदी सहज विचारतो, सगळेच विचारतात. पण पिडीयाट्रीशन डॉ. अजय प्रकाश यांनी सांगितलं की, आपल्याला साध्या वाटणाऱ्या काही प्रश्नांमुळे मुलांच्या मनावर चुकीचा परिणाम होऊ शकतो. कमी वयाच्या कोणत्याच मुलांना हे प्रश्न विचारू नका.
या प्रश्नांमुळे मुलांचा उडतो गोंधळ..
तुझं जास्त प्रेम कोणावर आहे, आईवर की बाबांवर?
advertisement
आता तुम्हाला वाटेल हा प्रश्न किती साधारण आहे. म्हणजे हे तर आपण गंमतीगमतीमध्ये मुलांना विचारतो. पण डॉक्टरांच्यामते, हा प्रश्न मुलांना गोंधळात टाकू शकतो. तुम्हाला मुलांसमोर शक्यतो पॉझिटिव्ह आणि चांगल्या गोष्टी बोलल्या पाहिजे. या प्रश्नाऐवजी तुम्ही मुलांना म्हणून शकता की, 'दोघांचंही प्रेम तुला मिळत आहे, तू खरंच नशीबवान आहे.'
मोठे झाल्यावर तुला काय बनायचं आहे?
हा प्रश्न मुलांसाठी तसा त्रासदायक नाही, पण याऐवजी तुम्ही मुलांना जर असं विचारलं की, 'हल्ली तुला कोणत्या गोष्टींबद्दल कुतूहल वाटतंय किंवा तुला काय करायला आवडत आहे.' तर तुम्ही मुलांच्या आवडी निवडीनुसर त्यांना प्रोत्साहन देऊ शकता. त्यांना ज्या गोष्टी आवडतात, त्यामध्ये त्यांना अधिक माहिती देऊ शकता किंवा त्याचे काही क्लासेस असतील तर त्यामध्ये मुलांना टाकू शकता.
तू एका जागी शांत का बसू शकत नाहीस?
हे वाक्य मुळातच नकारात्मक आहे. यामुळे मुलांच्या मनावर नकारात्मकच परिणाम होतो. मुलांना असं वाटू शकतं की, आपण खूप काहीतरी चुकीचं करत आहोत किंवा मुलांना रागावल्यामुळे तेही रागात पुन्हा पुन्हा तसं वागू शकतात. त्याऐवजी तुम्ही मुलांना म्हणालात की, 'तू जरा वेळ बसतोच का किंवा तुला थोड्या आरामाची गरज आहे, जरा बसतोस का' यामुळे मुलं प्रेमाने तुमचं ऐकतील.
आता तू मोठा/मोठी, झालास/झालीस. लहान बाळासारखं का वागत आहेस?
या वाक्यांमुळे मुलांचा गोंधळ उडतो. मुलांचा मेंदू अजूनही त्यादृष्टीने विकसित होत असतो. म्हणून त्यांना आपण मोठे झालो आहोत की लहान, आपण कसं वागायला हवं हे कळत नाही. याऐवजी मुलांना मायेनं जवळ घ्या आणि त्यांना समजावून सांगा. मुलांना म्हणा, 'तुला सध्या आधाराची आणि मायेची गरज आहे.'
तुला नेमकं काय झालं आहे? तू असं का वागत आहेस?
मुलांना असं बोलल्यानंतर ते कोणत्या त्रासात असले तर तो त्रास आणखी वाढतो आणि मुलांना कोणाला काही सांगता येत नाही आणि सांगावंसं वाटतही नाही. अशावेळी मुलांशी प्रेमानं बोला आणि विश्वासात घ्या. त्यांना म्हणा, 'मला कळतंय की तुझं काहीतरो बिनसलंय, तुला कशाचातरी त्रास होतोय. तुला मदत करण्यासाठी मी इथेच आहे.'
Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.