Giloy : उत्तम आरोग्यासाठी गुळवेलाचे फायदे, प्रकृतीच्या अनेक कुरबुरींवर मिळेल उत्तर, जाणून घ्या गुळवेलाचं सेवन कसं करावं ?

गिलॉय म्हणजेच गुळवेल आरोग्यासाठी वरदान आहे. गुळवेलात असंख्य गुणधर्म आहेत. अँटीऑक्सिडंट्स, दाहक-विरोधी गुणधर्म, गिलोइन ग्लुकोसाइड, टिनोस्पोरिक एसिड, कॉपर, लोह, फॉस्फरस, जस्त, कॅल्शियम आणि मॅंगनीज यांचा समावेश आहे, हे सर्व घटक शरीराला असंख्य फायदे देऊ शकतात.

गुळवेल योग्यरित्या खाल्ल्याशिवाय त्याचे पूर्ण फायदे मिळू शकणार नाहीत. गुळवेल बहुतेकदा झाडांभोवती गुंडाळलेली आढळते. गुळवेलीची पानं सुपारीच्या पानांसारखी दिसतात. कडुनिंबाच्या झाडांवर वाढणारी गुळवेल अत्यंत फायदेशीर मानली जाते.

advertisement

Raisins : शरीराच्या अंतर्बाह्य मजबुतीसाठी उत्तम, भिजवलेल्या मनुका खाण्याचे फायदे

रोगप्रतिकारक शक्ती - वारंवार आजारी पडत असाल तर गुळवेल सर्वोत्तम आहे. कारण यामुळे शरीराच्या पेशींना बळकटी मिळते आणि बाह्य संसर्गांशी लढण्यास मदत करू शकते.

डेंग्यू - डेंग्यूमधे प्लेटलेट्स कमी होतात तेव्हा गुळवेलाचा रस अत्यंत फायदेशीर मानला जातो.

पचन - बद्धकोष्ठता, आम्लता किंवा पोटाच्या समस्या असतील तर गुळवेलीमुळे पचन सुरळीत होण्यास मदत होते.

संधिवात - गुळवेल हे सांधेदुखी आणि सूज कमी करण्यासाठी देखील फायदेशीर मानली जाते.

ताण - गुळवेलामुळे मनालाही शांती मिळते. यामुळे स्मरणशक्ती सुधारण्यासाठी आणि ताण कमी करण्यासाठी मदत होऊ शकते.

Cervical Cancer : HPV लस म्हणजे काय ? स्त्रियांसाठी HPV लसीकरण का महत्त्वाचं ?

मधुमेह - गुळवेल हे मधुमेह असलेल्यांसाठी एक वरदान आहे. ते हायपोग्लायसेमिक एजंट म्हणून काम करते, यामुळे रक्तातील साखरेची पातळी नियंत्रित करण्यास मदत करू शकते.

गुळवेल सेवन करण्यासाठी काही पर्याय

ज्यूस - दररोज सकाळी रिकाम्या पोटी दोन-तीन चमचे गुळवेल ज्यूस एक ग्लास कोमट पाण्यात मिसळून प्या.

पावडर - रस उपलब्ध नसेल तर अर्धा चमचा गुळवेल चूर्ण पाण्यासोबत घ्या.

काढा - गुळवेलीचा काढाही उपयुक्त आहे.

तुमची शस्त्रक्रिया होणार असेल किंवा झाली असेल तर ते गुळवेल सेवन करणं टाळा. तसंच तब्येतीच्या तक्रारी असतील तर आधी डॉक्टरांचा सल्ला घ्या.